Narón acolleu este sábado 8 de novembro o XII Trofeo Cidade de Narón cunha concorrida afluencia de arqueiros que fixeron que as instalacións se quedaran pequenas e que o Iadovi Club de Tiro con Arco acadara varios destacados resultados.
Beatriz Melo Botelho, en alevín feminino e na modalidade de arco recurvo, conseguía a segunda praza cunha puntuación de 427 puntos sobre 600 de máxima tras facer unha competición moi segura de si mesma. Pasando á final disputada con Eva Álvarez González, do Club CELTA de Lugo, onde só gañou un set. Finalmente a representante luguesa fíxose co encontro por 6 a 2.
Na categoría masculina, Fernando Fernández Romeu, reaparecía logo dunha longa ausencia nas competicións logrando unha boa puntuación. Os 429 puntos obtidos colocábano na 5º posición.
Na categoría absoluta de arco recurvo, a representante feminina, Ana María Briones Montes finalizaba 7ª tras finalizar as series clasificatorias cunha puntuación de 459. Nos sets eliminatorios enfrontábase á olímpica Iria Grandán, do Club Arco Narón, a cal fixo valer a súa experiencia, tras empatar o primeiro set, Ana perde cun contundente 7 a 1; o que a sitúa no 6º lugar.
Na categoría masculina os cadetes competiron como séniors. Gabriel Galante Briones situábase 6º tras finalizar as series de clasificación con 549 puntos. Nos sets eliminatorios logra chegar a semifinais onde se enfronta a Jaime Santamaría do Club Lucus Augusti de Lugo nun encontro emocionante onde ambos arqueiros non daban o brazo a torcer, chegando ó empate a sets de 5 a 5 e debendo de disputarse a terceira posición por medio do sistema de flecha de desempate, sendo a máis próxima ao centro da diana a de Gabriel, que consegue así a terceira posición e subir unha vez máis ó podio de gañadores.
Francisco Melo Botelho conseguía a praza 29 con 419 puntos mellorando así o seu récord persoal conseguido o pasado día 25/10/2014 no IX Trofeo Arcobarco celebrado no Barco de Valdeorras (Ourense) onde asinaba unha tablilla de 405 puntos. Ós poucos este arqueiro vai demostrando como o traballo diario vai dando os seus froitos lentamente. O cadete máis recente do club tamén se atreveu a competir como sénior, Iván Cendán Lindín tras realizar 316 puntos situábase no posto 39º.
O noso representante Sénior José Manuel García Cordido, “O Campaneiro”, con 466 puntos situábase no posto 24º, e consegue así superar en tan só un punto, a obtida na súa anterior actuación realizada no IX Trofeo Arcobarco.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
