Cervo, 8 de novembro de 2014- O Concello de Cervo informou hoxe de que se ve “na obriga” de buscar alternativas para a posta en marcha da administración electrónica despois de que os veciños “leven 4 anos perdidos nos que non puideron utilizar este servizo a pesar de que a Deputación puxera en marcha un plan gratuíto, o Innova-TE, para axudar aos concellos a implantar a administración electrónica”, explica a edil de Facenda, Yolanda Pedreira.
A edil asegura que na provincia “existe unha grande diferenza entre os concellos que se adheriron ao plan Innova-TE, que aínda non dispoñen de administración electrónica, e os que buscaron outras opcións, que levan anos ofrecendo este servizo”. Pero para Pedreira, o máis grave é que a Deputación “enganou aos veciños: Prometéralles que poderían facer trámites co Concello comodamente dende a casa, a través da Internet, o cal tería mellorado a súa calidade de vida”. Polo tanto, “os incumprimentos da Deputación prexudicaron aos veciños, que levan 4 anos agardando”.
Promesa de 2010: Administración electrónica nun ano
A edil lembra que en xuño de 2010 a Deputación enviou un escrito ao Concello convidándoo a participar no programa InnovaTE. Un documento no que afirmaba que o Goberno Provincial, textualmente, “converterase na primeira administración de Galicia que ofrece unha solución integral aos concellos para a implantación da administración electrónica no prazo de 1 ano”. Ese mesmo mes, o goberno local confirmaba a adhesión ao proxecto.
Pedreira explica que pouco antes das eleccións municipais de 2011 “viñeron sete persoas a entregarnos catro ordenadores. Sacaron a foto e nunca máis soubemos do plan”. A edil engade ademais que en numerosas ocasións o persoal municipal intentara contactar cos técnicos da Deputación para continuar coa implantación, “respondendo que xa chamarían eles cando houbese novidades”.
2013: Segunda fase
Dous anos despois, en maio de 2013, a Deputación anuncia a segunda fase do plan Innova-TE. A pesar do “bloqueo” das actuacións, o Concello decide adherirse tamén a este proxecto, agardando que “esta vez a Deputación cumpra coas súas promesas”. Nas seguintes semanas un técnico visitaba Cervo para comprobar o estado dos equipos entregados dous anos atrás, pero sen avances de cara á implantación da eAdministración.
Despois de 4 anos agardando para poder ofrecer a administración electrónica aos veciños e tendo en conta que as entidades públicas teñen que ter dispoñible este servizo no 2015, o Concello vese na obriga de contratalo cunha empresa.
“A Deputación amosou unha vez máis a súa incompetencia, non cumprindo o que prometeu: Non puxo en marcha a administración electrónica, impediu que os veciños mellorasen a súa calidade de vida, e ao final non temos máis remedio que contratar este servizo cunha empresa”, manifesta. “Agora entendemos por que o Innova-TE era gratuíto para os concellos: porque non tiñan intención de levalo a cabo”, remata Pedreira.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
