A ANPA da Escola Infantil de Burela, un ano máis, realizou unha campaña solidaria de recolleita de alimentos e xoguetes, para doar á Asociación Mulleres en Igualdade de Burela. Mary Fraga, presidenta desta asociación, quere agradecerlle “tanto ás integrantes da ANPA da Escola Infantil, como ós pais e nais que colaboraron nesta campaña, o seu esforzo e bo facer para cos máis necesitados. Moitas grazas un ano máis polas vosas achegas, que serán repartidas entre as persoas que menos teñen, e entre aqueles nenos para os cales, os catálogos de xoguetes que as tendas reparten con publicidade, non son máis que debuxos sobre un papel cos que algún día poder soñar. Moitas grazas, feliz Nadal e próspero e solidario ano novo para todos vós, en nome de todas as integrantes de Mulleres en Igualdade Burela”.
Alimentos e xoguetes doados pola ANPA da Escola Infantil de Burela
Relacionado
-
Proxección do documental de Pedro Lechuga “Xove, democracia nuclear”
-
Este mércores, 11 de xuño, ás 19:00h, Antonio Blanco Carballo presentará na Biblioteca do Barqueiro o libro “Memorial e monumento ás vítimas do franquismo en Ferrolterra, Eume e Ortegal”
-
O Concello de Cervo clausura o curso das Escolas Deportivas Municipais Infantís
Será ás 20 horas. Ricardo Aller de Dios é un artista visual cuxa obra se desenvolve entre a fluidez da acuarela e a solidez da cerámica. A súa práctica explora a relación entre o efémero e o permanente, a cor como ferramenta emocional e a conexión entre os elementos naturais e a forma humana. A través da acuarela, investiga a transparencia, a mancha e o azar como linguaxes expresivas, mentres que na cerámica atopa un espazo de construción pausada, táctil e meditativa, en diálogo coa terra e o lume. A exposición poderá visitarse ata o 14 de Xullo.
Sami Ashour, natural da localidade de Khan Younis, no sur da Faixa de Gaza, onde reside a maioría da súa familia, é o presidente da Asociación galaico-árabe Jenin, que agrupa a comunidade palestina residente na Galiza. A palestra Sami Ashour pretende achegar un testemuño de primeira man sobre o xenocidio israelí en Gaza e ofrecer unha análise sobre as condicións de vida poboación gazatí.
Entre os participantes destacou a presenza do Excmo. Sr. Bispo de Mondoñedo Ferrol D. Fernando García Cadiñanos. Tamén participaron membros de Cáritas diocesana de Ferrol. O camiño foi un descubrimento para moitos, con paraxes diferente nos seus 7 Km de percorrido.
Dentro das actividades da Concentración de Club de Morgan España, que se está a realizar estes días, tivo lugar unha visita a Mondoñedo que incluíu unha recepción por parte das autoridades municipais. Na mesma, que tivo lugar na Praza da Catedral de Mondoñedo, ao carón destes vehículos históricos, o Alcalde, Manuel Ángel Otero e a Concelleira de Turismo, Patricia Otero Doural, conversaron cos participantes e agasallaron a estes cunha bolsa con materiais sobre Mondoñedo. Tras esta breve conversa, procedeuse a realizar unha visita pola zona histórica da cidade episcopal.
