Ribadeo, 23 de xullo de 2025. Desde o equipo de goberno ribadense subliñan que “cando chegamos ao Concello tivemos que facernos cargo de 880.000 euros en facturas pendentes de pagar da época do BNG”.
Técnicos municipais e equipo de goberno amósanse sorprendidos polas últimas declaracións dos nacionalistas porque “están faltando á verdade absolutamente neste caso. Deixáronnos sen pagar estradas que fixeron, que tivemos que facernos cargo delas. Deixáronnos sen pagar máis de 100.000 euros en talleres con maquinaria abandonada nalgúns deles. Deixáronnos sen pagar a luz de Nadal do 2022, así como máis de 50.000 euros en facturas pendentes de luz pública”.
Desde o equipo de goberno contan que “os nacionalistas deixaron sen pagar o hangar de piragüismo, tivemos que ir á Deputación para solucionar un problema bastante importante e tivemos que facernos cargo. Deixaron sen pagar todo o relativo á selectividade en Viveiro. Ribadeo debía a súa cota desde o ano 2019 e tivemos que afrontala nós”.
E insisten tanto técnicos municipais como equipo de goberno en que “o BNG falta á verdade. Consideramos que o que teñen que facer é pedir perdón pola mala xestión dos últimos anos. Sorprende cousas como que se estiveran pagando seguros de vehículos, que estaban dados de baixa. É importante a maldade e a falta á verdade que desprenden algunhas persoas”.
O equipo de goberno “non quere entrar en polémicas e segue traballando e facendo moitas cousas. O fácil é desprestixiar ao que está traballando, aos que están impulsando moita actividade. E como non hai outra maneira de facer unha crítica, pois inventamos algo a ver se desprestixiamos”.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
