A Mariña, 23 de xullo, 2025. A Garda Civil detivo na Mariña Lucense a catro veciños de Girona, con idades comprendidas entre os 22 e 50 anos de idade como supostos autores dun delito de roubo de cable de cobre.
Os feitos delituosos tiveron lugar a mediados de mes cando se tivo coñecemento de que no termo municipal de Xove estábanse a se producir subtraccións de cobre, a última coñecida tivo lugar na madrugada do pasado día 17 cando autores descoñecidos apropiáronse duns 800 metros de cable.
Ante estes ilícitos iniciouse unha especial intensificación da vixilancia, tanto da zona afectada como das vías de comunicación adxacentes, dando inmediatamente os seus froitos ao detectar durante a madrugada do día 18 a presenza dun furgón na estrada LU-862, que une o alto de Castelo en Cervo co límite coa provincia da Coruña, este vehículo circulaba a unha velocidade anormalmente reducida e ao decatarse o seu condutor da presenza dos axentes, aumento considerablemente a mesma.
A patrulla da Garda Civil deulle o alto á furgoneta e cando se detivo, de maneira imprevista saíron do interior dúas persoas, unha da cabina e outra da parte destinada á carga, que emprenderon unha fuxida a pé, mentres que o condutor puido ser identificado nese momento, comprobando a posteriori como no furgón de carga estaba a trasladarse unha gran cantidade de cable de cobre con recubrimento plástico multicolor, similar ao empregado nos tendidos telefónicos, así como un alicate de corte e outros indicios máis que suficientes que indicaban que tales efectos son froito dun ilícito penal relacionado coa subtracción de cable de cobre, ante o cal se procedeu á aprehensión do cable e do vehículo que o transportaba, así como á detención do condutor.
Posteriormente activouse un dispositivo policial de procura e localización das persoas que fuxiran, sendo detidas horas máis parte cando circulaban pola N-642 no interior dun turismo, así como a un cuarto cómplice que se atopaba no vehículo interceptado.
A investigación continúa aberta ao obxecto de verificar se estas persoas puideron participar noutros feitos similares ocorridos na provincia de Lugo e limítrofes.
As dilixencias policiais foron postas ao dispor da Autoridade Xudicial.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
