A CIG convoca concentracións para mañá venres, 16 de xaneiro, nos concellos onde están situadas as empresas con grandes consumos enerxéticos, en demanda dunha Tarifa Eléctrica Galega que nos permita ter un prezo da enerxía máis baixo tanto para defender á industria grande ou cativa como para reducir os custes no consumo doméstico. Na Mariña a concentración farase as 19’00 diante da Casa do Concello de Xove.
Con estas concentracións dáse continuidade as mobilizacións realizadas o pasado día 18 de de-
cembro diante das industrias galegas con grandes consumos enerxéticos.
Sería un despropósito que algunha industria radicada en Galiza pechase ou se vise afectada negativamente polos altos prezos da electricidade, cando Somos produtores e exportadores de enerxía (no 2012 Galiza exportou o 40% da enerxía que produciu), pero non obtemos ningunha contraprestación positiva. Unha situación que cómpre mudar de xeito inmediato.
Por iso a CIG pretende abrir un debate político e social arredor da necesidade urxente de mudar o sis-
tema eléctrico e tarifario para acadarmos unha Tarifa Eléctrica galega que nos permita un prezo máis barato.
É mentira que a enerxía eléctrica sexa un ben calquera, suxeito as leis da oferta e da demanda pois no estado español a tarifa está chea de peaxes por decisións políticas que a inflaron: Perdas por transporte, axuda ao carbón español, moratoria nuclear, custes extrapeninsulares, primas renovables. Ademais o prezo é sempre o da planta coa tecnoloxía de produción máis cara en cada momento. Onde están aquí as leis do mercado?
Non se contemplan porén o custe que nos ten aos galegos o exceso de produción (Vales asolagados, expropiacións, contaminación das térmicas, biomasa, etc.) e que debera ter repercusións positivas no prezo da enerxía; e dicir nós debemos de ser solidarios aportando moito máis do que o estado nos devolve.
Por riba, temos que ver como o sistema de poxas aboca ao peche a nosa industria xerando que ano a ano se xoga a continuidade dos postos de trab allo dentro dunha cabina cun botón que pulsar nos dous minutos que dura a poxa. Sistema que impide os investimentos, fora de reparacións, imprescindibles para á modernización.
A electricidade é un ben básico e fundamental para a industrialización dun país e non un negocio de prexubilación de ministros.
Sección Sindical CIG Alcoa – San Cibrao
Na Mariña será en Viveiro, na Praza Maior.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
