A Mariña, 23 de xaneiro de 2015. A Plataforma sanitaria valorou os datos publicados polo SERGAS sobre as listas de agarda no Hospital da Costa que cualificaron de irreais. O colectivo denunciou que estes datos non reflicten a realidade dos centos de mariñás e mariñaos que agardan a ser atendidos no hospital por incompletos, xa que o hospital conta con ate dúas listas de agarda B e encubertas que multiplican os datos oficiais. Desde a Plataforma esixen á xerencia executiva de Burela que de contas da realidade con datos reais por especialidades e deixe pintar de cores unha xestión que non pasa do branco e negro.
NO SISTEMA SANITARIO HAI LISTAS DE ESPERA B COMO HAI SOBRES B NO PARTIDO POPULAR
A Plataforma pide ao xerente executivo que ofreza datos reais das listas de agarda no hospital nas diferentes especialidades porque os datos oficiais non reflicten a realidade, “sinalan que ao marxe destes datos pode haber ate dúas listas B das que non se ofrecen datos que multiplican as listas de espera”. “Non vale de nada ocultar a realidade cando a xente que agarda sabe e sufre en carne propia meses de espera que non se recollen nos datos ofrecidos pola xerencia hospitalaria”.
SORIANO FORMA PARTE DA DIRECCIÓN DA EOXI E NON PODE BOTAR BALÓNS FORA Á HORA DE ASUMIR RESPONSABILIDADES
O colectivo pídelle a Soriano que ademais de recoñecer explicitamente o esforzo dos e das profesionais sanitarios para paliar a falta de persoal, “ten que asumir as súas propias responsabilidades como máximo xestor do hospital reclamando coa contundencia necesaria a cobertura das prazas necesarias para completar e mellorar os servizos”. Non é serio nin propio dunha equipa directiva que despois de recoñecer os esforzos do persoal existente e as necesidades de amplialo non o demande coa contundencia que precisa e bote balóns fora como si as responsabilidades foran unicamente da EOXI da que por certo fai parte.
O PP E O SERGAS MENTIRON NA CREACIÓN DA ÁREA DE XESTIÓN INTEGRADA
A Plataforma ademais fixo mención aos problemas de listas de espera, falta de especialistas, médicos de familia e outro persoal nos centros de atención primaria da comarca. Neste sentido lembraron que a conselleira de sanidade e o Partido Popular mentiron descaradamente cando prometeron coa creación da área de Xestión Integrada a ampliación de competencias e coordinación da xerencia hospitalaria de Burela coa sanidade primaria cando a realidade é xustamente a contraria como demostra o feito de que o xerente executivo de Burela obvia responsabilidades na situación de penuria que vive a atención primaria na comarca sen facer ningunha mención no seu balance anual ao seu estado de abandono.
Plataforma na Defensa da Sanidade Pública da Mariña.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
