Lugo, 23 de xaneiro de 2015.- A voceira do Grupo Provincial do Partido Popular, Elena Candia, criticou este venres o gran desequilibrio territorial existente no reparto de fondos públicos por parte do equipo de goberno bipartito da Deputación de Lugo. A popular acusou ao presidente, José Ramón Gómez Besteiro, de intentar converter a Deputación nun “instrumento de desequilibro, para facer un Lugo de dúas velocidades”.
O mecanismo predominante na colaboración da administración provincial cos concellos foi a sinatura de convenios excepcionais, non suxeitos a concorrencia, o que permite un trato totalmente desequilibrado no reparto de fondos públicos de todos os lucenses. Besteiro profesa un exercicio do poder manifestamente arbitrario e dirixido a “intentar consolidarse no sillón, facendo do excepcional o normal, e estudando a repartición de diñeiro en base aos seus propios intereses partidistas”.
Ante esta actuación da Deputación, a popular resalta que “por sorte, e grazas ao traballo constante e ao esforzo dos alcaldes dos municipios castigados pola administración provincial, non se deu un Lugo de dúas velocidades. As institucións locais, pese aos escasos fondos, conseguiron garantir os servizos”.
A maiores, este trato a favor está a provocar situacións tan insólitas como que concellos da provincia realicen achegas económicas á Deputación, en concepto de pagos de impostos e taxas, que superan a contía concedida ao municipio por parte da administración provincial.
Desequilibrio territorial
O estudo da listaxe de convenios excepcionais aprobados en Xuntas de Goberno na actual lexislatura mostra datos reveladores da falta de equidade na colaboración da Deputación cos concellos da provincia. Máis do 93% dos fondos repartíronse entre municipios da mesma cor política do goberno provincial (PSOE e BNG), en torno a 11 millóns de euros.
Pola contra, preto do 60% dos concellos da provincia (un total de 40) non recibiron neste última lexislatura colaboración da Deputación de Lugo a través de convenios excepcionais aprobados en Xuntas de Goberno. Agás nun dos casos, estes municipios excluídos das axudas provinciais excepcionais, están gobernados polo Partido Popular.
Esta situación provoca que o presidente da Deputación, José Ramón Gómez Besteiro cree, na súa acción de goberno, cidadáns de primeira e de segunda categoría e se esqueza de máis do 40% da poboación lucense, que reside nestes municipios; que só reciben (ademais de subvencións culturais e deportivas) as achegas dun moi escaso Plan de Obras e Servizos (o único para concellos nos que se garante a concorrencia).
Moción
Candia demanda que se garanta a asistencia a todos os municipios da provincia e se evite unha desviación á alza dos fondos recibidos só por un número reducido de municipios. Para a popular é necesario que se restableza un trato equitativo e que máis da metade dos concellos da provincia non se vexan continuamente excluídos da distribución de subvencións excepcionais procedentes de recursos públicos.
En base a estes datos, os populares presentarán unha moción para o seu debate na sesión plenaria de martes, na que solicitan que se deseñe un plan, elaborado en consenso cos municipios, dirixido a compensar a falta de colaboración da Deputación cun amplo número de concellos da provincia; restablecendo, deste xeito, o desequilibro económico no reparto de fondos públicos da administración provincial entre concellos da provincia.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Están organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofrecen tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
