Foz (Lugo), 11 de febreiro de 2015. O asturiano Adrián Fernández, actual Campión Barista de España e catro veces Campión Barista de Asturias da especialidade proclamouse vencedor do III Campionato Internacional de Baristas, impoñéndose a profesionais de toda España e de Portugal nun escenario ben coñecido, o IES de Foz, coñecido no sector cafeteiro como a Catedral do Barismo de España, polo nivel dos profesionais que alí se formaron e o prestixio das súas competicións.
O barista asturiano, que desenvolve o seu labor profesional no Pasión Espresso (c/ Joaquín Fernández Acebal, 2), de Xixón, e que se iniciou no mundo barista con Cafento, empresa cafeteira que o acompañou ó longo de toda a súa carreira como barista de competición, puxo fin á mesma completando un palmarés único en España. “Esta será a miña última actuación sobre un escenario de competición”, anunciaba Adrián Fernández a un público que completaba o aforo dispoñible na sala, e ao que dedicou a súa actuación: “Vou dedicar a miña actuación á xente de Foz, que sempre me acolleu tan ben”.
Laura Fuentevilla, de Cantabria e formada por Café Dromedario, e Dayana Belgoderi, de Viana do Castelo (Portugal), formada por Cafés Candeas, ocuparon o segundo e terceiro posto, respectivamente, dun podio de altísimo nivel, polo que competían tamén, entre outros, o cinco veces Campión Barista de Cantabria, Alexis Silva, e o catro veces Campión Barista da Comunidade Valenciana, Juan Manuel Sanz.
A vitoria de Adrián Fernández constitúe un novo fito para a Escola Cafento, que suma así un título ibérico ao nacional e aos trece autonómicos con que xa contaba. Adrián Fernández foi iniciado no mundo barista nesta Escola, unha iniciativa desenvolvida por Cafento para promover a cultura do café de calidade e potenciar a formación en café dos profesionais de hostalería e consumidores de café en toda España.
As claves das presentacións de Adrián Fernández
O barista asturiano usou como base de todos os seus preparados un café 100% arábica de Perú, doce, con acidez equilibrada, toques florais e cítricos e sabor a uva moscatel.
Houbo de preparar catro espressos, catro cappuccinos e catro cócteles a base de café, repetindo neste último caso a fórmula que tan ben lle funcionou o pasado outubro no Campionato Barista de España organizado polo Fórum do Café. E é que volveu sorprender ao xurado cuns flash, os míticos xeados nun tubo de plástico brando, que neste caso ían recheos de café e un granizado de melón, que presentou colgados dun enxeñoso artilugio ideado por el mesmo.
Mostrouse moi concentrado e relaxado durante toda a súa actuación ata que, unha vez parado o crono e dirixindo as súas palabras de despedida á audiencia, emocionouse ao desexar “volver algún día a este escenario, como xuíz ou como preparador de baristas que veñan competir, para non perder nunca o contacto con este escenario [o do IES de Foz]”.
Un escenario que, segundo o barista “a primeira vez que vin que me quedaba moi grande” (¡e ségueme quedando!) Pero recordo que, como aquí en Foz, o café non se vive en ningún outro sitio”.
Sobre os campionatos internacionais do IES de Foz
Ademais da terceira edición do Campionato Internacional de Baristas, á que concorreron profesionais do máis alto nivel procedentes de España e Portugal, desde o luns o IES de Foz acolleu outros dous certámenes xa consagrados no mundo barista: o VIII Campionato Internacional de Baristas de Escolas de Hostalería e o III Campionato Internacional de Catas de Café de Escolas de Hostalería, aos que acudiron representantes de dezasete centros de hostalería de Asturias, Cantabria, Casela e León, Galicia e o país veciño, Portugal.
Estes certames e o elevado nivel das e os baristas formados no centro focense, entre os que se atopan algúns dos primeiros baristas de España, explican que no mundiño do café coñézase ó IES de Foz, e máis concretamente á súa Escola de Hostalería, como a Catedral do Barismo de España.
Sobre a Escola Cafento
Máis de 15.000 clientes, máis de 5.000 alumnos formados, máis de 1.000 horas de formación impartidas nas oito aulas que se estenden por toda España. Este é o principal aval da Escola Cafento, o proxecto de formación e desenvolvemento da cultura do café posto en marcha por Cafento.
Nas súas aulas, e a través da web www.escuelacafento.com, a Escola Cafento desenvolve un completo programa de formación e desenvolvemento da cultura do café. E non só iso: tamén desenvolve actividades de formación noutras categorías de produtos, como tés, infusións e chocolate.
Neste sentido, a Escola Cafento celebra periodicamente cursos, seminarios, catas guiadas, sesións de preparación para campionatos baristas e distintas actividades que combinan a formación e o desenvolvemento da cultura barista entre profesionais e empresarios da canle horeca.
Entre os seus formadores baristas conta con algúns dos máis experimentados de España na profesión, varios xuíces baristas homologados polo Fórum do Café e dous campións baristas autonómicos. Ademais, en Escola Cafento formáronse xa os vencedores de 11 campionatos baristas autonómicos e Adrián Fernández, Campión Barista de España 2014.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
