Santiago de Compostela, 14 de Abril de 2015.- Pleno – O deputado do BNG Cosme Pombo lamentou este martes a decisión de Pilar Rojo impedindo a entrada á tribuna de convidados aos traballadores/as da empresa Vestas de Chavín- Viveiro para presenciar o debate da iniciativa do BNG e celebralo entrada a noitiña co fin de silencialo nos medios de comunicación.
Na súa intervención, o nacionalista defendeu manter os postos de traballo e a actividade empresarial da factoría e demandou do Partido do Partido popular “un compromiso real” para as terras de Lugo e o sector industrial de Galiza. Mediante esta Proposición non de lei, dixo, agardamos que o Goberno galego cumpra os seus compromisos cunha empresa que recibiu axudas, “diñeiro público” e non sega regalando millóns de euros ás multinacionais.
Nesta noite, en alusión as altas horas do debate, estamos a falar da empresa “Vestas” Nacelles Spain” ubicada no concello de Viveiro, instalada en Chavín para producir pezas denominadas “góndolas”. A Multinacional danesa “Vestas” mantén o liderazgo en facturación da provincia de Lugo (642 millóns de euros) e ofrece traballo fixo cualificado a 150 traballadores e traballadoras e temporal a varios centos máis, de aí, recalcou Cosme Pombo “a importancia para a economía da Comarca da Mariña”.
Lamentablemente, explicou, a dirección da empresa comunicou o 17 de maio aos traballadores a paralización da produción da fábrica de aeroxeneradores de Chavín-Viveiro, durante varios meses, baixo a escusa dunha “reorganización da plantilla fixa” e que suporá un expediente de extinción de emprego para 54 taballadores e un expediente de regulación temporal para os 95 restantes.
O Comité de empresa mostrou o seu desacordo coa decisión da empresa e reclamou o apoio social e dos grupos políticos para tentar defender os postos de traballo e a actividade empresarial. Os membros do Comité de traballadores non confían no plan de traballo presentado pola empresa para a fabricación do novo Super Slim de 2 MW porque ao seu entender, “pode converter a factoría de Chavín en secundaria” cando na actualidade é principal. Os EREs presentados reducen a capacidade de produción da planta de Viveiro e coloca os postos de traballo e as condicións sociolaborais en “grave risco”.
O grupo parlamentario do BNG, afirmou, comparte a preocupación do Comité de empresa e mostrou o seu apoio ás súas reivindicacións porque entende que os axustes de plantillas nas empresas do sector eléctrico “xa foron acometidos ao longo destes anos”.
O BNG considera que non se poden eliminar postos de traballo nas empresas subvencionadas con fondos públicos e o Goberno galego debe tomar iniciativas para garantilos e xerar actividade para aumentar o número de postos de traballo no sector eólico galego.
Balseiro ofrece publicamente o apoio aos traballadores pero non avanza medidas concretas contra os despedimentos
Pola súa parte, o portavoz do Partido popular, José Manuel Balseiro asegurou que a empresa VESTAS está en Viveiro “grazas ao Partido popular” e o anunciou dos EREs “non é satisfactorio”. O popular afirmou que “o Goberno de Galiza comprométese cos traballadores de VESTAS” pero non avanzou como se plasmaría ese acordo e con que consecuencias polo que o deputado advertiu que o BNG seguirá moi de cerca os puntos da iniciativa nacionalista para comprobar que se cumpren ou se o acordo acadado hoxe no Parlamento é “un novo engano ante a proximidade das eleccións”
O parlamentario do BNG rematou a súa intervención lamentando a posición do Partido popular na liña de seguir empobrecendo a comarca da Mariña, “non podemos consentir máis paro nin máis emigración” polo que volveu a reclamar instar á Xunta a garantir os postos de traballo existentes antes dos anuncio dos EREs e facer valer as axudas públicas concedidas a “Vestas Nacelles Spain”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
