A Asociación Cultural A Pomba do Arco convida á proxección do documental titulado ‘O Piloto’, obra de Xosé Reigosa e guión de Afonso Eiré, que terá lugar o venres 29 de maio ás 20.30 horas no Cenima de Foz.
Xosé Reigosa Piñeiroa, nado en Barreiros no ano 1949, leva moito tempo traballando como fotógrafo, ten participado en máis de 50 exposicións, tanto colectivas como individuais, chegando incluso a ter exposto en Bos Aires e no Uruguai. Ademais da súa paixón pola fotografía ten traballado no mundo dos documentais, lembremos o seu traballo titulado A Chocolateira, que falaba daquel tren de Vilaodrid que traía mineral ata o cargadeiro de Ribadeo.
Este venres amosará en Foz o terceiro dos seus documentais, titulado O Piloto, no que se aborda a figura de Xosé Luís Castro Veiga, nado no Corgo en 1915 e asasinado pola garda civil en San Fiz de Asma (Chantada) o 10 de marzo de 1965.
Este documental sae á luz neste ano 2015, no que se cumpren os 50 anos da morte de Castro Veiga. Este home loitara en contra das tropas fascistas e en defensa da República gobernante. Trala guerra será condenado a 30 anos de cárcere da que sae, indultado, aos catro. En 1945 volta á Galicia para seguir loitando en contra dos fascistas, para iso vótase ao monte e incorpórase ás filas da guerrilla antifranquista no verán dese ano. A partida da que formaba parte operaba nas zonas do Corgo, Castroverde e Sobrado. No ano 1946, trala detención de moitos dos membros desta guerrrilla, traslada as súas operacións cara a zona de Monforte, Quiroga e zoa do Sil. Cando as perdas de combatentes fan inoperativa a partida de guerrilleiros que dirixía decide continuar a loita en solitario, acompañándose tan só da súa amada Mirelle.
O día 10 de marzo de 1965 forzas da garda civil abaten a tiros a Xosé Castro Veiga, tamén coñecido como o Piloto, o derradeiro guerrilleiro de Galicia.
Neste documental trátase da figura de Castro Veiga dende as dúas perspectivas posibles, dende a visión daqueles amigos que o coñeceron e a visión daqueles que tras coñecelo o odiaron. A figura do Piloto asómase neste documental como unha mezcla de heroe local e de pistoleiro salvaxe sen escrúpulos que adoitaba se sacar a pistola sen motivo. No documental aparecen documentos inéditos que cambian a visión que sobre o Piloto se tiña, veremos que relacións mantiña con PCE, coñeceremos das súas andanzas e cal foi a razón por qué sobreviviu tanto tempo.
No documental tamén se trata da figura da súa compañeira sentimental, da paixón que entre eles xurdiu e da historia de amor que viviron ata o día en que asasinan a Castro Veiga.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
