Bruxelas, 13 de maio de 2015.- Lídia Senra, deputada de Alternativa Galega de Esquerda en Europa (AGEe) porá en coñecemento da Comisión Europea (CE) as eivas en materia de seguridade laboral e acción coordenada de emerxencias denunciadas polos traballadores/as dos parques comarcais de bombeiros privatizados na Galiza, na actualidade en folga indefinida dende o pasado 18 de marzo en demanda da finalización da xestión privada dos servizos de emerxencia.
A día de hoxe, dos 31 parques de bombeiros/as galegos, 23 están a cargo de tres empresas privadas que, “inda que se benefician de 20.000.000€ ao ano do orzamento público, so teñen en plantilla 422 bombeiros e bombeiras para socorrer a aproximadamente 1,6 millóns de habitantes repartidos en 300 concellos”, explica a eurodeputada.
A través dunha pregunta parlamentaria dirixida á CE, Senra chama a atención sobre o feito de que esta proporción de persoal de emerxencias está “alarmantemente afastada” do ratio recomendado pola Organización Internacional do Traballo (OIT), é dicir, un/unha bombeiro/a por cada 1.000 habitantes.
Para AGEe, esta situación pon de manifesto que “o financiamento que debería ser adicado á contratación de persoal está supeditado ao beneficio das empresas privadas que teñen a concesión”.
“Ademais, é moi chamativo que a xestión privado-pública das emerxencias se dea so na Galiza”, prosegue, “coincido cos traballadores/as na sospeita de que se está a utilizar o noso país como laboratorio para unha posíbel privatización dos servizos de emerxencias en todo o Estado”.
Aliás, esta estructuración nos centros de traballo, como denuncian os propios bombeiros/as, por unha banda pon en risco a vida dos traballadores/as, que arestora están a acudir ás emerxencias en equipas 3 ou 4 persoas, das cales unha fica pendente do subministro de auga do camión, co que no caso de que os/as compañeiros/as que realizan as tarefas directas de salvamento sufriran un accidente, quen rescataría aos/ás rescatadores/as?
Por outra, como tamen teñen alertado reiteradamente, a existencia de parques privatizados, xestionados ademais por tres empresas diferentes, leva tempo dando lugar a graves descoordinacións do servizo de emerxencias galego. Un dos exemplos máis evidentes foi o do accidente ferroviario de Angrois (2013), momento no que, cabe lembrar, os bombeiros/as estaban tamén en folga en denuncia das consecuencias da súa privatización, greve que abandonaron para incorporarse masivamente ás tarefas de rescate, emitindo posteriormente un documento no que daban conta das gravísimas deficiencias de coordenación que se deron nese operativo.
Asemade, a simultaneidade de parques de bombeiros públicos e privados que existe arestora no noso país constitúe un agravio comparativo entre as galegas e galegos; “por que aquelas persoas que residen no ámbito de actuación dos parques comarcais teñen que arriscarse a contar con menos medios para unha emerxencia que aquelas que viven en cidades máis grandes? Hai vidas que merecen máis garantía que outras?”, cuestionou Lídia Senra.
Por todas estas circunstancias que ubican o servizo de emerxencias galego nunha situación de precariedade que redunda nunha potencial inseguridade dos traballadores/as e da cidadanía, AGEe consultará directamente á CE se esta situación se axusta ao marco legal europeo en materia de servizos de emerxencia.
“E intolerábel que se estea antepoñendo o beneficio de tres empresas privadas á seguridade das persoas”, criticou Senra, “a un Goberno que actúa así cun ámbito tan sensíbel como o das emerxencias deberíaselle caer a cara de vergoña”.
A deputada galega asistirá este venres 15 a mobilización convocada ás 11:00 en Santiago de Compostela baixo o lema “RESCÁTANOS” en demanda dunha xestión pública directa dos servizos de emerxencia.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
