Burela, 30 de maio de 2015.- As laranxas despiden a liga con tres puntos na casa do Orvina (2-5) e pechando o podio de Primeira RFEF. Ambas as escuadras optaron por despedir a tempada con despregamento de efectivos; nas filas galegas debutou na súa primeira convocatoria Carla González; a peor noticia para o equipo de Iván Cao, Lucas, é a posible lesión de Maite, que non puido participar na cita tras sentir molestias durante o quentamento.
O Burela FS Pescados Rubén apostou polo dominio do xogo e a posesión do balón, aínda que na rapidez na circulación tivo os seus máis e os seus menos. Con todo, Peque adiantou as mariñás xa no minuto 5 en xogada individual tras sortear a defensa local. Cris, no último cuarto antes do descanso, aproveitou para subir o 0-2, ao segundo pau a pase de Bea Mateos.
No segundo período, o Burela ensaiou con Claudia liderando o xogo de cinco. Con esta elección ampliaron vantaxe, no 24, Bea asistida por Peque, e no 26, a pichichi burelista en parede con Gaby. Tan só un minuto despois, o Orvina reduciu a fenda, no rexeite dunha falta. Con todo, o Pescados Rubén non quixo deixar marxe de mellora ás locais e Peque, no 28, practicamente sentenciou co 1-5 cun lanzamento afastado. O definitivo 2-5 chegou no minuto 31, de Uxue. Na recta final, o encontro contaxiouse dun ritmo que foi perdendo forza.
Ficha técnica
CD Orvina: Aintzane, Irune, Lucía, Maialen, Susana, cinco inicial; tamén xogaron Jessica, Aiora, Yarima, Uxue, Irati, Leire, Rebeca
Burela FS Peixes Rubén: Jozi, Cris, Peque, Gaby, Bea Mateos, cinco inicial; tamén xogaron Claudia, Paula, Carla González
Goles: 0-1, minuto 5, Peque; 0-2, minuto 15, Cris; 0-3, minuto 24, Bea; 0-4, minuto 26, Peque; 1-4, minuto 27, Jessica; 1-5, minuto 28, Peque; 2-5, minuto 31, Uxue
Tarxetas: Por Orvina, amarela a Jessica (minuto 7), Irune (minuto 12)
Incidencias: Partido correspondente á xornada 30 de Primeira División disputado no polideportivo Ezkaba
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
