Os populares inciden no “suspenso” do goberno bipartito en materia de conciliación toda vez que “levan anos para chegar a ofrecer as prazas necesarias de atención a menores de 3 anos” e que, ademais, “nun primeiro momento deixaron fóra do servizo de Madrugadores a varias familias para este curso 2025-2026”
Vilalba, 17 de setembro de 2025. Os concelleiros do Partido Popular esixen á alcaldesa e ao seu goberno “axilidade” para abrir o Punto de Atención á Infancia (PAI) co que dar servizo ás familias de Vilalba que continúan agardando pola súa posta en marcha.
Os populares condenan, unha vez máis, “a total falta de previsión do goberno municipal” que, sendo coñecedores da demanda e de que é un servizo que as familias precisan xa, coincidindo co inicio do curso, non son capaces de poñer o PAI en funcionamento. “Nin sabendo cun ano de antelación son capaces de facer as cousas en tempo”, subliñan.
A pesar de que a licitación do contrato do servizo quedou deserto, os populares cren que “dende xuño, o goberno municipal debería ter buscado unha solución para poñer en marcha o Punto de Atención á Infancia” e instan á señora Rouco a “cumprir o que prometeu”.
Dende o PP vilalbés lembran que “o goberno local era coñecedor da demanda de prazas de atención a nenos e nenas de 0 a 3 anos en Vilalba e aínda así tardou anos en iniciar o procedemento para habilitar un PAI. E, agora, continúa sen poñelo en funcionamento. Moitas familias tiveron que buscar outros recursos noutros municipios”, lamentan.
A Xunta, pola súa banda, “ofreceu a súa colaboración dende o primeiro momento achegando 129.000 euros (máis do 90% do proxecto total) para o acondicionamento dun local axeitado” e, incluso, achega financiamento para que as familias non teñan que pagar un só euro polo servizo.
SUSPENSO DO BIPARTITO EN CONCILIACIÓN
Os populares inciden no “suspenso” do goberno bipartito en materia de conciliación toda vez que “levan anos para chegar a ofrecer as prazas necesarias de atención a menores de 3 anos” e que, ademais, “nun primeiro momento deixaron fóra do servizo de Madrugadores a varias familias para este curso 2025-2026”.
O PP de Vilalba considera que “o compromiso do goberno bipartito coa conciliación é só propaganda porque á hora da verdade non se implican en dar solucións ás familias vilalbesas”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
