Fai unhas semanas lin o artigo de opinión do señor César Aja nos medios, no que culpa ás esquerdas de que Viveiro non teña hoxe unha Vía de alta capacidade. Hai que ter moita cara para facer tal afirmación, sobre todo vindo de quen foi protagonista das decisións máis lesivas para a nosa cidade.
No 2003 o proxecto que defendía a Xunta de Galicia do Partido Popular era unha auténtica barbaridade: A entrada a Viveiro era por Covas, atravesaba Cantarrana e subía por San Francisco (Avenida de Cervantes). Afectando completamente a Magazos e Xunqueira.
O que fixo o Alcalde Socialista Melchor Roel como debe facer calquer rexedor responsable defender o seu concello e ós veciños/as e facer unha proposta para evitar partir Viveiro en dous , protexendo Covas, Cantarrana, o casco urbano, Magazos e Xunqueira. Defendeu unha solución, unha variante oeste, dende o Folgueiro cara a Landrove. E así o trasmitiu.
Pero o máis grave é que o señor Aja se atreva a culpar a outros cando, sendo él Alcalde, se produciu a decisión máis dura para o futuro do noso Concello e tamén desta comarca: o desvío da Autovía do Cantábrico cara Vilalba, sendo presidente da Xunta Manuel Fraga.
Aquela era unha auténtica oportunidade de ouro para vertebrar Viveiro co resto do territorio e deixouse escapar. Houbo manifestacións, protestas, houbo reivindicacións sociais, pero o Señor Aja permaneceu inmóbil, sen defender ó seu Concello; tiña que pagar os favores a costa de todos os veciños e veciñas.
E aínda se atreve hoxe a dar leccións. Pois convén lembrar que cando deixou a Alcaldía no 2003, o Concello quedou cunha débeda de 11 millóns de euros, de aquela, de hai máis de 20 anos. A a esta cifra hai que engadir todo o que se foi pagando ó longo dos anos en sentenzas xudiciais derivadas do seu mal facer: licenzas mal dadas, como o caso de Lodeiro, Nicolás Cora, o Pazo de Grallal, a débeda de aparcamentos A Mariña. En total máis de 14 millóns de euros que hipotecaron o futuro de Viveiro.
Por iso, señor AJA, quen deixou a Viveiro sen autovía, quen non defendeu unha variante digna e quen hipotecou económicamente ó Concello, non está en condicións de dar leccións a ninguén.
Gobernou Viveiro na maior época de bonanza económica que houbo no país, e sen ningún tipo de control xurídico. De ahí a famosa tarjeta visa . Deixando a Viveiro sen o máis importante, unhas boas infraestructuras e sen polígono industrial. Porque tivo que vir un Alcalde Socialista, Melchor Roel para sacar adiante o parque empresarial de Viveiro, que ainda está despuntando por causa da falta de comunicacións.
Viveiro non necesita artigos de opinión con memoria selectiva, senon compromiso real co seu futuro. Vostede, señor Aja, e a actual Alcaldesa de Viveiro, Mariña Gueimunde aceptaron nos seus postos políticos de responsabilidade que a Xunta de Galicia castigase a Viveiro e ós seu veciños todos estes anos.
Ningún dos dous estivo á altura.
Maria Loureiro García (ex alcaldesa de Viveiro).
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
