Os populares advirten que “nove meses despois de que o goberno local convertía en polémica a súa tramitación, aínda non aportou a documentación como require a normativa”
Vilalba, 9 de setembro de 2025. O PP urxe ao goberno local de PSOE e Vilalba Aberta a volver a tramitar a solicitude para a declaración de festa de interese turístico de Galicia para a Feira do Capón de Vilalba.
Os populares lembran que “fai nove meses, a escasas semanas da celebración da feira do Nadal de 2024, o goberno local convertía en polémica esta tramitación cunhas declaracións que o único que pretendían era poñer a venda antes da ferida, acusando a outros para tratar de tapar a súa incompetencia á hora de tramitar este tipo de expedientes”.
Cómpre aclarar que nove meses despois de que a Administración turística galega resolvese o arquivo da solicitude presentada polo Concello de Vilalba, declarándoo desistido por non atender na súa totalidade ao requirimento efectuado, o Concello non iniciou ningún novo procedemento para solicitar a declaración de festa de interese turística galega, pese a que na resolución de desistencia xa se lle indicaba da posibilidade que tiña de volver presentar unha nova solicitude.
O pasado mes de decembro, tras manter unha reunión cos criadores e criadoras de Capón, convidábamos ao goberno de PSOE e Vilalba Aberta a volver a tramitar a solicitude, “tal e como a propia Xunta lles indicaba que se podía facer”.
Os populares lembran que “foi o Concello o que desistiu de continuar coa tramitación ao non aportar a documentación esixida para cumprir cos requisitos que establece a normativa” e que se recollen no Decreto 4/2015, do 8 de xaneiro, que regula estas declaracións. “O que demostra o goberno bipartito é a súa incapacidade por aportar documentación que outros Concellos ou entidades promotoras de eventos que teñen logrado esta declaración si foron capaces de aportar”, subliñan.
Os populares defenden a “singularidade do Capón de Vilalba” e sinalan como “tradición na nosa vila a celebración da súa feira anual días antes de Noiteboa”; polo que cren que “a Feira do Capón cumpre de sobra as esixencias vinculadas á antigüidade, valor cultural e implicación de todo o pobo”. Pero tamén defenden que “o Concello ten que cumprir a lei” e, polo tanto, “debe acreditar formalmente os requisitos que establece a normativa e que, incluso, a Xunta lle detallou”.
“Mentres a Xunta colabora para conseguir un obxectivo beneficioso para Vilalba e os vilalbeses, o goberno local mantense de brazos cruzados e empregando a Feira do Capón con fins partidistas”, conclúen.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
