Lugo, 22 de xuño de 2015.- O patrón da Fundación TIC e Deputado en funcións de Cooperación e Asistencia aos Concellos, Álvaro Santos, clausurou este luns o curso 2014-2015 da Escola de Imaxe e Son de Lugo (EIS), o único centro público na provincia que imparte ensino superior da rama audiovisual. Os alumnos de primeiro de Produción foron os encargados da organización do acto, no que tamén participou a Alcaldesa de Lugo, Lara Méndez, e os de Realización da súa emisión en directo por streaming, como unha das súas prácticas nun escenario real, un dos sinais de identidade do modelo educativo da EIS de Lugo.
Na súa intervención, Santos destacou “os oito anos de José Ramón Gómez Besteiro ao fronte da TIC, cheos de ilusión e de traballo, e coa satisfacción do labor desenvolvido. A aposta polo ensino público de calidade e o labor social converteron á Fundación TIC nunha entidade útil para a sociedade lucense”.
Balance moi positivo
No balance destes oito anos, a patrón da TIC dixo sentirse “especialmente orgulloso de que unha das primeiras decisións cando nos puxemos ao fronte da Deputación fora establecer a matrícula gratuíta na Escola de Imaxe e Son. Nós cremos nun ensino público de calidade e defendemos a igualdade de oportunidades como un dereito básico dos cidadáns. Isto implica ter moi claras cales son as prioridades á hora de investir. E nós témolas”. Neste senso, tamén destacou o esforzo realizado na mellora de medios, así como no programa de bolsas para que os titulados da Escola dean os seus primeiros pasos profesionais no mundo laboral.
Lara Méndez destacou “sentirse orgullosa e partícipe do labor desenvolvido dende a Deputación coa Escola de Imaxe e Son neste últimos anos”. Méndez subliñou a aposta do Concello pola educación pública de calidade, recalcando que “a educación é o progreso e a garantía de igualdade de oportunidades reais”.
Aberta á sociedade
O responsable provincial afirmou que nestes anos “abrimos as portas da TIC á sociedade. Por unha banda, amosando o traballo que realizamos grazas, por exemplo, ás prácticas en escenarios reais e, por outra, cunha maior implicación cos lucenses a través da colaboración con ONGs e asociacións sen ánimo de lucro”. Tamén subliñou a cooperación cos Concellos coa difusión de actividades gastronómicas, culturais, etnográficas e deportivas que contribúen á promoción da provincia a nivel turístico, económico e ao asentamento de poboación no rural, así como o impulso dado á Lugo Film Commission para traer rodaxes de producións audiovisuais á provincia.
O labor da TIC continúa
Santos dixo que “o curso remata, pero o labor da TIC continúa. No caso concreto da EIS, a TIC traballará por unha maior especialización que converta esta Escola nun referente do ensino audiovisual en Galicia. Estes anos traballamos, e seguiremos facéndoo para que sexades os mellores alumnos e os mellores profesionais”.
A matrícula para o curso 2015- 2016 será gratuíta por oitavo ano consecutivo. O prazo de preinscrición remata o 25 de xuño. A lista definitiva de admitidos publicarase o 3 de xullo e o prazo de matriculación será do 6 ao 17 do vindeiro mes, na sede do centro educativo en horario de mañá. Os interesados teñen toda a información en www.fundaciontic.org
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
