Vegadeo, 11 de xuño de 2015.- Este xoves pola tarde foi inaugurada a 52 Feira de Mostras de Vegadeo, que neste 2015 está dedicada á luz. O acto presidírono a alcaldesa en funcións, Begoña Calleja, e o conselleiro de Economía e Emprego do Principado de Asturias, Graciano Torre.
A rexedora dixo no seu discurso que “este é un dos momentos máis importantes que ten o noso concello ao longo do ano. É unha honra presentarlles unha nova edición da Silvallana. En cada ocasión contamos con ese espírito da feira, que fai 52 edicións xa os pais fundadores desta Silvallana trouxeron ata o pobo e que segue vivo grazas ao espírito de Vegadeo. Cando cumprimos medio século de feira preguntábannos por que unha feira aquí, no occidente do Occidente de Asturias, sobrevivía a pesar de todas as dificultades, como unha feira así podía cumprir medio século de existencia. A nosa resposta sempre era porque o pobo así a fai, respéctaa e vívea”.
Calleja recordou que “hai 10 anos, cando eu cheguei a Vegadeo foi unha sorpresa ver que xa o venres de feira que o día bulía como hoxe: todo o mundo estaba na rúa preparado e eran feiras en Vegadeo. Dende a escola de música, vendo que ninguén aparecía a clase porque xa era venres de feira, nese momento souben a importancia que tiña esta feira para este pobo. E como a feira é grande e o pobo tamén chegamos a unha edición número 52. Sempre pensamos que La Silvallana ten un espírito de renovarse, pero tamén de non perder nunca a súa esencia”.
A alcaldesa de Vegadeo manifestou que “para min é un momento moi especial, é unha feira coa que vou pechar unha etapa persoal e política; e sen dúbida é un broche de ouro que moi poucos alcaldes poden ter: con esta inauguración e con esta feira. Quero darvos os meus mellores desexos para estes catro días importantes. Para min van ser especiais porque esta é a culminación dun sono cumprido. Douvos as grazas a todos os que así o fixestes. Eu volvín a España no ano 2005, despois dun periplo de estudos polo estranxeiro, e recaín neste pobo, o primeiro dos meus destinos, para facer unha substitución de tres meses, que ao final se converteu na miña praza fixa e no sitio onde encontrei o meu marido, onde traxe á miña familia e onde tiven o máis importante que teño, que é a miña pequena Amalia. Eu débolle todo a este pobo e por iso quero, ademais de felicitarvos e de darlle a representación e o respecto institucional que merece, dicirvos que esta é a satisfacción dun deber cumprido, quero desexarlle á nova Corporación moita sorte. A este pobo débollo todo e agradézollo todo. O meu sono está cumprido, esta é unha gran feira e seguirao sendo. E alá onde vaia sempre estarei agradecida. Esta será a miña feira e direi con orgullo que fun alcaldesa deste pobo e Vegadeo sempre será o meu pobo”.
O conselleiro de Emprego e Economía, Graciano Torre, tamén incidiu na importancia de La Silvalla: “hoxe en Asturias das múltiples feiras que había entre xuño e setembro quedan exclusivamente catro: a feira de mostras de Gijón, a de Tineo, a de Vegadeo e a de San Martín del Rey Aurelio, de onde, por certo, é natural a alcaldesa. O resto, por unha ou outra razón, foron desaparecendo. Convén entón preguntarse por que estas feiras se mantiveron e outras desapareceron. E efectivamente comparto que se permanecen é porque os veciños e veciñas dos lugares onde se celebran a aprecian, as queren e as apoian. Vir aquí ano tras ano é ver moitos expositores, a moitas persoas detrás dos case 100 postos que hai no interior do recinto, que están un ano si e outro tamén; en definitiva, confían nesta feira. E teño que dicirlles que creo que fan ben”.
Ao acto de inauguración asistiron alcaldes do Occidente astur, o director xeral de Comercio do Principado, así como deputados e concelleiros da Corporación saínte e da que tomará posesión o próximo sábado e o futuro rexedor, César Álvarez. Despois dos discursos as autoridades realizaron unha visita ao recinto feiral, que por segundo ano consecutivo conta coa presenza de postos procedentes de Portugal, que veñen a promover a súa gastronomía e a súa riqueza turística.
A xornada deste venres está dedicada a terceira idade e á infancia. Pola noite terá lugar o concerto de Kepa Junkera con Sorginak, no parque do Medal, a partir das 23 horas. Trátase do prato forte desta 52 edición de La Silvallana, que se prolongará con infinidade de actividades ata o próximo domingo, 14 de xuño: exposicións, talleres, xogos infantís e xuvenís… Máis de 100 expositores participan nesta cita, na que o gando, a maquinaria agrícola ou a alimentación teñen unha presenza moi importante, ademais doutros sectores como o téxtil ou o automóbil.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
O delegado territorial da Xunta en Lugo, Javier Arias, participou nos actos destacando o apoio do Goberno galego a este evento, declarado de Interese Turístico Galego, "que pon en valor o traballo das xentes do mar e a calidade dun produto recoñecido a nivel internacional". Tamén estivo presente a Deputada de Economía, Recadación, Facenda e Especial de Contas, Carmela López. A Deputación colaborou coa organización desta xornada cunha achega de 3.000 euros. Neste evento, que está declarado de Interese Turístico de Galicia, os asistentes puideron degustar a prezos populares o manxar elaborado de formas diferentes: en empanada, en caldeirada, á galega ou en salsa verde, entre outras.
Este xoves gozaron dunha xornada chea de diversión, con xogos grupais nos que aprenderon a colaborar e compartir, e actividades de manualidades onde deron renda solta á súa imaxinación. Un espazo para medrar, xogar e facer novas amizades.
A secretaria xeral Técnica, participou este mércores na Misa Solemne na honra da Virxe do Carme na Praza Conde de Fontao.
Está organizado en colaboración coa Federación Galega de Natación (FEGAN). Unha semana para aprender, mellorar e gozar deste deporte tan espectacular. Este sábado, de 10:00 a 12:00, celébrarase a exhibición final na piscina municipal, aberta ao público para ver o traballo realizado durante o campus.
O Deputado de Promoción Económica e Social, Pablo Rivera, asistiu este mércores na Praza Conde de Fontao de Foz á misa cantada polo coro Mar Aberto na honra á Virxe do Carme, patroa dos mariñeiros. A cerimonia celebrouse no marco da programación das Festas do Carme que organiza este municipio mariñán do 11 ao 17 de xullo. A este acto, que continuou coa tradicional ofrenda floral e a procesión, tamén asistiu o Alcalde de Foz e Deputado Provincial, Francisco Cajoto, membros da corporación municipal e numerosos veciños e veciñas e visitantes.
A cita celebrarase do 19 ao 21 de setembro no polideportivo deste municipio e contará coa participación de reputados profesionais do mundo da tornería. A institución provincial colabora un ano máis con este evento realizando unha achega económica de preto de 10.000€ e a impresión de 600 exemplares dun libro que se realizou polo 25 aniversario desta cita.
