Cervo, 31 de xullo de 2015.- O BNG – AA crítica as fotos propagandísticas do Presidente de Portos de Galiza na inauguración recente dun pantalán de segunda man que non son mais que esmolas ante a falta de investimento dun ente portuario que xunto con outros cargos do PP levan anos prometendo melloras portuarias e mesmo portos deportivos que nunca se fan realidade. “Aínda valorando de maneira positiva a instalación deste pantalán cren que non se pode suplir con migallas a falta de investimento nun peirao que ten flota pero non ten venta xa que as súas lanchas de baixura – 12 segundo a información manexada – venderon noutros portos preto dun millón de euros en 2014. “Levan anos anunciando portos deportivos, presentando proxectos de mellora ou maquetas e mareando á xente sen que na práctica se vexa nada”, afirmou o portavoz municipal Ramón Luís Bernardo Insua.
BNG – ASEMBLEAS ABERTAS augura que ese pantalán de segunda man instalado en San Cibrao vai ter unha vida curta pola falta de protección ante os temporais e anima ao alcalde e o Tte. de Alcalde, José Manuel Balseiro, a reclamar a Portos de Galiza investimentos coherentes coas necesidades do sector pesqueiro que non teñen porque ser incompatíbeis co aproveitamento turístico.
BNG – AA votará en contra dun suplemento de crédito innecesario de existir boa planificación orzamentaria e menos gasto electoral.
No pleno que se vai celebrar na tarde de mañá venres no concello de Cervo, desde o BNG anuncian o seu voto en contra do suplemento de crédito proposto pola alcaldía por importe de 315.000 euros co fin de afrontar pagos urxentes.
Argumentan o seu voto negativo en que “o uso do remanente de tesourería de 2014 para este fin e non para novos investimentos ou amortizar débeda tal como prescribe Lei Orgánica 2/2012, de 27 de abril ven motivado pola falta de planificación orzamentaria e o interese electoralista do goberno municipal xa que moitos das débedas que se van amortizar con esta medida contaban con orzamento previsto e outras son gastos electorais previos ás pasadas eleccións municipais”.
En concreto estiman que 87.000 dos 315.000 euros do suplemento de crédito que irá a pleno mañá deberan estar xa previstos no orzamento 2015 por ser gastos en enerxía eléctrica e gastos das becas FEUGA, outros por importe de 95.000, gastos que á vista das resolucións da alcaldía incluídas no expediente do pleno son en boa medida gastos preelectorais.
Durante a súa intervención, Xosé Merelles destacou a capacidade da romaría para conservar viva unha tradición transmitida de xeración en xeración e profundamente vinculada á identidade da comarca. Xosé Merelles puxo en valor o papel da Romaría do Bispo Santo como exemplo do turismo cultural e espiritual que promove Galicia, baseado na autenticidade, na conservación das tradicións e no patrimonio inmaterial.
O encontro incluíu sesión vermú amenizada polo Dúo The Poker e unha comida popular con empanada, embutido, croquetas, xamón cocido, tenreira asada e sobremesa. Pola tarde continuou a música e realizáronse sorteos de agasallos achegados polas asociacións colaboradoras. A iniciativa foi organizada pola Asociación O Castelo, en colaboración coas asociacións parroquiais e o Concello de Alfoz, que agradeceron a ampla participación. Durante a xornada tamén houbo un momento de lembranza para Jorge Val, exalcalde falecido hai un ano, destacando o apoio que brindou ás asociacións locais.
Unha actividade organizada pola Asociación Cultural pensada para promocionar os produtos de proximidade e da artesáns, nun ambiente lúdico e festivo. Produtos de horta, conservas, mel, requeixo, plantas ornamentais ou bisuteria son algúns dos produtos que se podían encontrar no mercado, que contou tamén con outras actividades como bautismos hípicos. A Vicepresidencia da Deputación colaborou un ano máis na programación do mercado cun obradoiro de coiro e animación musical.
A Deputada de Muller e Igualdade, Marisol Morandeira, participou este sábado na inauguración, onde destacou o valor desta iniciativa que leva “máis de vinte anos unindo ás persoas arredor do coñecemento, da experiencia compartida e do orgullo polo rural”.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
