Lugo, 9 de xullo de 2015.- O subdelegado do Goberno en Lugo, Ramón Carballo, e o alcalde de Burela, Alfredo Llano, copresidiron na mañá deste xoves a reunión da xunta local de seguridade na que fixeron unha análise global da situación delincuencial no municipio.
Segundo os datos de denuncias formuladas nos cinco primeiros meses deste ano, a delincuencia rexistrou un lixeiro descenso en Burela con respecto ao mesmo período do ano pasado, sendo máis reseñable a baixada dos delitos contra o patrimonio. Pola contra, soben os delitos contra a seguridade colectiva, entre os que se inclúen os delitos contra a saúde pública ou contra a seguridade vial.
Os membros da xunta local de seguridade destacaron o traballo dos corpos policiais e valoraron o alto grao de eficacia acadado na resolución dos delitos en Burela. A Garda Civil detivo, de xaneiro a maio, a 29 persoas no municipio pola súa implicación en feitos delictivos.
Reforzo da seguridade
No transcurso da xuntanza deste xoves abordáronse tamén os dispositivos que os corpos policiais porán en marcha para reforzar a seguridade durante o período estival na localidade, especialmente na zona dos areais e durante a celebración de eventos festivos como a Feira do Bonito, en agosto, ou o festival Osa do Mar, en setembro.
Así, e aínda que os organizadores de cada evento ou o propio Concello irán deseñando os respectivos dispositivos de seguridade en función das súas responsabilidades, na xuntanza adiantouse que os efectivos de Policía Local intensificarán os traballos de vixianza para evitar calquera incidente. Contarán ademais coa colaboración da Garda Civil, que se comprometeu a traballar conxuntamente cos efectivos locais para previr a comisión de posibles delitos e velar polo mantemento da orde pública na localidade.
Este traballo conxunto favorecerá unha resposta máis áxil e eficaz ante as posibles necesidades dos veciños ou visitantes que se achegan a Burela durante os meses de verán, aumentando considerablemente a súa poboación.
Plans para maiores e escolares
O subdelegado do Goberno informou tamén do traballo realizado polas Forzas e Corpos de Seguridade do Estado para favorecer a seguridade dalgúns dos colectivos máis vulnerables, como as persoas maiores ou os escolares. Neste sentido, Ramón Carballo referiuse ás charlas impartidas no marco do Plan Maior de Seguridade, posto en marcha polo Ministerio, nas que os axentes informan ás persoas de máis idade dos riscos que constitúen unha maior ameaza para a súa seguridade e as medidas de autoprotección que poden adoptar.
En canto aos escolares, o subdelegado aludiu a outro plan posto en marcha a nivel nacional, o Plan director para a convivencia e a mellora da seguridade escolar nos centros educativos, neste caso dirixido á comunidade educativa. Así, no curso 2014/2015, impartíronse 11 charlas en centros educativos de Burela sobre temáticas como o acoso escolar, o riscos do uso inaxeitado de internet e as novas tecnoloxías, a prevención de incendios ou o consumo de drogas. No mesmo período, beneficiáronse do plan 127 centros de ensino e máis de 14.500 alumnos en toda a provincia.
Na reunión deste xoves participaron, ademais do subdelegado e o alcalde de Burela, representantes da Garda Civil, a Unidade de Tráfico, a Policía Autonómica e a Policía Local, entre outros.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
