No inicio do curso lectivo 2014-2015, o Concello de Viveiro asinou un convenio de colaboración coa empresa ARRIVA co obxectivo de ofrecer un servizo de transporte máis eficiente e de menor custo para os veciños deste municipio que se desprazan a Xove, San Cibrao, Burela Lugo, A Coruña e Santiago para realizar os seus estudos.
Ao abeiro deste convenio, durante o curso lectivo que vén de rematar, establecéronse buses directos que ían dende Viveiro cara a Lugo, A Coruña e Santiago os domingos ou fin de ponte en tempada escolar e que viñan dende esas cidades ata Viveiro os venres, acurtándose significativamente a duración das viaxes.
Na mesma liña, funcionou un servizo de transporte a Xove, San Cibrao e Burela, que podían empregar os estudantes que cursan estudos de Formación Profesional nalgún centro deses municipios.
Ademais das xestións realizadas para mellorar a calidade do servizo, o Concello asumiu un importante compromiso económico financiando a metade do importe de cada viaxe e, deste xeito, o prezo final a aboar por parte dos usuarios viuse reducido de forma considerable.
Cómpre destacar, así mesmo, a elevada demanda deste servizo, do que se beneficiaron 92 estudantes. Destes 92 usuarios, 48 desprazáronse a Santiago; 31, á Coruña; 7, a Lugo; 2, a Burela; 3, a San Cibrao; e 1, a Xove.
Cunha vontade clara de continuar promovendo medidas de apoio á mocidade e á educación, este servizo manterase durante o vindeiro curso 2015–2016. Os estudantes xa inscritos só deben entregar na Oficina Municipal de Información Xuvenil unha copia da matrícula e os de novo ingreso deben presentar 1 foto, fotocopia do D.N.I. e fotocopia da matrícula dos estudos que van cursar. A tramitación iniciarase a primeira semana de setembro para facilitar a incorporación ás cidades de destino.
María Loureiro
Estivo organizada pola Asociación de Produtoras Eo Alimenta coa colaboración da área de Rural da Vicepresidencia da Deputación. Cun programa lúdico e de divulgación -cunha charla sobre toponimia de Trabada con Xulia Marqués-, a asociación organizou unha degustacións de petiscos con produtos de horta ecolóxicos cultivados na comarca e na provincia.
As expectativas e as gañas de pasalo ben dos nenos e nenas de Alfoz e Valadouro vironse cumpridas plenamente. Nun espazo distinto en contacto coa natureza, dividido entre campo de xogos e labirinto, os rapaces en alegre compañeirismo foron un constante bule bule ata a hora de volver a casa. Coas vacacións recén estreadas, este evento foi unha experiencia moi satisfactoria para emprender de novo no futuro. A Alcaldesa de Alfoz, Efigenia Maseda e a Concelleira de Deportes de Valadouro, Ana Rubal presentes na actividade, agradeceron o bo facer e a amabilidade do persoal do Labirinto e por suposto a confianza das familias por apostar por esta nova iniciativa.
Eran as 14:20 horas deste venres cando un particular informou ao 112 Galicia de que acababan de sacar un home inconsciente da auga na praia de Celeiro, en Viveiro. Ata o lugar do suceso desprazáronse Urxencias Sanitarias de Galicia-061, os Bombeiros de Viveiro e a Policía Local. Malia os esforzos por reanimalo, os servizos sanitarios só puideron confirmar o falecemento do implicado.
Este venres, na Praza do Concello, tivo lugar a lectura do manifesto institucional con motivo do Día Internacional do Orgullo LGTBI, acto no que a concelleira de igualdade, Montse Porteiro, deu lectura ao texto co que Barreiros reitera o seu compromiso coa diversidade, a igualdade e os dereitos de todas as persoas, independentemente da súa identidade ou orientación. Como xesto simbólico e de agradecemento pola participación, agasallouse cun pequeno detalle a todas as persoas asistentes.
Durante o acto, procedeuse á entrega oficial da Bandeira Azul 2025 na Praia de Frexulfe, recoñecida ademais como Monumento Natural, e entregáronse os distintivos ás entidades recoñecidas polo seu compromiso coa calidade ambiental, a accesibilidade e a seguridade na contorna costeira.
O alumnado da escola dará mostra do resultado das moitas horas de ensaio e convida á veciñanza a disfrutar con eles. Durante esta última quincena do mes estase traballando tamén na XXXIX Feira do Bonito, programada para os vindeiros 2 e 3 de agosto. Pódese decir que comeza coa convocatoria do concurso de carteis que ten xa gañadoras: na categoría A (ata 14 anos) Anxela Regal Rico, e na categoría B (maiores de 14 anos) Maite Fernández Cendoya; os seus traballos faranse públicos en poucos días e aparecerán no programa de man e no cartel anunciador da Feira.
Na Praza dos Campos concienciu e formou á veciñanza sobre a correcta separación dos residuos. A través dunha proposta visual e interactiva, explicaron por que é importante evitar impropios nos contedores e como reciclar con calidade. Unha iniciativa que se enmarca na campaña Coida Cervo. A edil de Medio Ambiente, Mali Méndez, achegouse ata alí na compañía das crianzas que asisten ao programa Cervo Concilia.
