Foz, 3 de agosto de 2015.- O alcalde de Foz, Javier Jorge Castiñeira, destaca o avance na construción de beirarrúas na estrada LU-162 ao seu paso pola parroquia de Cangas de Foz, obra que o rexedor municipal visitou xunto coa conselleira de Medio Ambiente, Territorio e Infraestruturas, Ethel Vázquez.
“O equipo de goberno do Concello de Foz quere agradecerlle á conselleira de Medio Ambiente, Ethel Vázquez, a súa visita ás obras que está a realizar o seu departamento en Cangas, concretamente a segunda fase das beirarrúas. É un compromiso que tiña esta consellería con este Concello e son obras que teñen un prazo de execución de dous meses, que remata a finais deste mes de agosto. O estado da obra é bastante avanzado, pois están xa practicamente cos remates de colocación de plaqueta nunha das marxes e na outra van un pouco máis retrasados pero, segundo nos informou o contratista, van cumprir o prazo de entrega. Polo tanto estamos contentos porque é un compromiso máis cumprido por parte desta consellería cos veciños de Cangas”, explicou Javier Castiñeira.
O alcalde focense comentou tamén que se trata “dunha travesía con moita circulación de coches, que tiña unha perigosidade bastante grande para o tránsito de peóns. Coa primeira fase das beirarrúas xa se corrixiu unha parte importante e agora con esta segunda teremos practicamente o obxectivo cumprido, pero que da a terceira fase para próximas anualidades, tal e como nos comprometemos coa propia conselleira. Polo tanto estamos todos contentos, porque esta vía necesítao, xa que ten moito tráfico pois une as localidades de Ferreira do Valadouro, Alfoz e incluso Mondoñedo non só co concello de Foz senón tamén con Burela. Por iso esta obra era moi necesaria e mesmo no día de hoxe tamén puidemos percibir a cantidade de tráfico que ten esta vía”.
Castiñeira rematou agradecendo tamén “aos deputados José Manuel Balseiro e Vidal Martínez-Sierra, que en todo momento estiveron pendentes de que esta obra se adxudicara, se contratara para conseguir o obxectivo final, que estea feita antes do remate do verán”
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
