Lugo, 6 de agosto de 2015.- O deputado delegado de Emprego e Demografía, José Antonio García, avanza que na Xunta de Goberno deste venres se aprobará a proposta cos beneficiarios que ocuparán os postos de traballo que quedaron vacantes dentro da primeira edición do programa Ben Empregado.
En concreto, cubriranse dez perfís desertos a raíz de que os traballadores seleccionados no seu momento renunciaran ao posto, causaran baixa voluntaria derivada por motivos diversos ou non superaran o período de proba coa empresa.
José Antonio García explica que, seguindo o procedemento establecido nas bases, seleccionáronse dez novos traballadores entre os inscritos como demandantes de emprego nas oficinas das localidades ás que correspondían as empresas beneficiarias. Os pasos acordados a seguir foron os seguintes: primeiro volvíase a convocar aos solicitantes nunha segunda rolda de entrevistas, de quedar algún posto deserto acudíase ao perfil que semellaba máis próximo e, por último, solicitábase o perfil desexado á oficina de emprego.
O Ben Empregado desenvólvese con “absoluta normalidade”
“O procedemento e o desenvolvemento do plan dáse con toda normalidade” e actualmente, dentro do Ben Empregado I estanse a realizar os pagos aos beneficiarios, segundo remarca García. “Nalgúns dos bloques xa hai feitos ingresos, noutros pasaron polo departamento de actas para ir a intervención prevéndose posibles pagos para a próxima semana, mentres que noutros casos os informes serán presentados segundo as empresas acheguen a documentación pertinente”, explica o deputado.
Pola súa banda, no Ben Empregado II “atopámonos no período de emendar tras os requirimentos xa feitos a un amplo porcentaxe das persoas que optan aos 307 perfís resultantes” e, de xeito orientativo, “prevemos publicar a finais de mes a listaxe definitiva de traballadores admitidos e excluídos tras estudar as 1.475 solicitudes que nos chegaron”.
A maiores, trala toma de posesión dos doce traballadores que se encargan da xestión da segunda fase do Ben Empregado II, José Antonio García engade que “atopámonos elaborando fichas para as entrevistas co obxecto de analizar as demandas de emprego existentes na provincia por sectores, actualizando as bases de datos das empresas beneficiarias e das candidaturas presentadas, proxectando unha guía de servizos para as entidades e uns protocolos de actuación destinados a incrementar a competitividade das empresas coa idea de que se poda prorrogar o tempo de contratación ou incluso atinxir contratacións indefinidas trala finalización do período subvencionable; e tamén nos centraremos no asesoramento e control da situación dos traballadores seleccionados e dos que se incorporarán ás empresas, entre outras liñas de actuación”
Comprometidos coa creación de emprego
Neste senso, o deputado responsable de emprego manifesta o compromiso do novo goberno provincial coa creación de postos de traballo “aproveitando todos os recursos que ofrece a administración, polo que traballamos co ánimo de que non quede ningún perfil sen beneficiario”.
“Tanto dende a oposición como agora con responsabilidades de goberno, deixamos patente o noso compromiso coa creación de emprego e rexeitamos calquera iniciativa ou declaración que empregue a carencia dun posto de traballo como medio para facer política ou obter calquera tipo de beneficio electoral”, asegura.
“A liña a seguir polo goberno da Deputación de Lugo é a do trato igualitario entre desempregados e a de garantir a igualdade de oportunidades entre todos os lucenses que están a buscar un posto de traballo”, conclúe.
O acto é aberto a quen queira participar neste recoñecemento. O grupo, con 80 anos de historia e formado por persoas de Figueras, Castropol, Vegadeo e Ribadeo, escolle este ano a Ribadeo para distinguir unha figura local, retomando a liña iniciada hai tres décadas con Luz Pozo Garza. As inscricións están abertas ata o luns 17 de agosto no número 680 13 24 24. Agárdase unha ampla participación.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
