O pregón é, según o diccionario, “ o parlamento que se fai en voz alta en sitios públicos de algo que convén que todos saiban”, ou tamén “unha alocución eloxiosa pola que se anuncia a celebración dunha festa ou acontecemento, para incitar ó público a participar nela; e “pregoeiro”, é “o que publica ou divulga algo que se ignoraba”. Estas, e outras variantes, son as que ofrecen os manuais, en definicións lacónicas que expresan con toda simplicidade os devanditos conceptos pero que, no caso de certos pregóns, a natureza do feito pregoado ou as circunstancias que concurren no pregoeiro, danlle á proclama un sentido singular.
Os pregóns das festas teñen, por sí mesmos, unha emotividade particular porque, en xeral, son os sentimentos, mais que as razóns, os que poñen voz aos mesmos; non é a cabeza, senon o corazón, o que se expresa; non é a razón, senon os afectos os que inspiran as verbas do pregoeiro, e xa se sabe que o corazón non entende de medidas nen de exactitudes e moitas veces ten razóns que a mente non comprende.
A lectura do pregón do San Lourenzo é unha vella tradición que pode ter uns 60 anos, aínda que non de forma ininterrumpida, e pola tribuna pasaron xentes indíxenas ou que, salvo excepcións, tiveron unha significada relación co noso pobo.
As festas patronais da vila toman este ano a arrincadeira co pregón que, na Casa da Cultura Poeta Manuel María, pronunciará o vindeiro día 7 de agosto Nemesio Rodriguez, persoa que, sen ser nativa, acadou a plena identificación coas xentes e os aconteceres da nosa sociedade.
Ninguén dubida de que o amor ó curruncho da nacencia non se sustitue polo amor a outros espazos e tempos que o destino vai deparando. “A miña patria é a miña infancia”, dixo Rainer María Rilke; Alvaro Cunqueiro dixera que “é a terra e os mortos”; para o poeta ruso Lermotov “é alí onde nos aman” e para Cicerón “está onde queira que te atopes a gusto”…
Hai quen, sen embargo, sen renunciar aos seus quereres primixenios, tiveron ao longo das experiencias vitais, a oportunidade de ampliar o seu mundo afectivo, gañando novos amores e, polo tanto, enriquecendo a bagaxe dos sentimentos. Seguro que ese é, con relación a Foz, o caso de Nemesio Rodriguez, que chegou á vila hai preto de 40 anos para entregarse, en corpo e alma, ó labor mais transcedente para a sociedade, do que Simón Bolívar dixera: “O obxeto mais noble que pode ocupar ó home é ilustrar aos seus semelllantes”. Na formación humana, intelectual e profesional das novas xeracións hai que depositar as esperanzas dun mundo mellor.
Nemesio, persoa valorada e querida en Foz e a bisbarra, é un claro exemplo de entrega e dedicación entusiasta á súa función, superando sempre o esforzo que esixía o cumprimento honesto do que era a súa obriga. E así logrou dirixir un centro educativo que foi modélico a través de tantos anos baixo a súa batuta. Afrontou unha árdua tarefa para lograr tal obxetivo porque á súa chegada atopuse con todalas carencias para desenvolver o cometido: mesmo sen aulas nas que acubillar o alumnado.
Da grave problemática que tivo que afrontar, do que loitou pola solución da mesma, da atención permanente, das xestións e do traballlo ímprobo realizado, é testemuña de excepción quen asigna estas liñas: presidente-fundador da APA do Centro, que desempeñou durante os 6 primeiros anos do mesmo, vivíu moi de preto tanto esforzo e tanto entusiasmo cos que gañou o prestixo e os afectos que o rodean. Nen os atrancos de saúde- que non faltaron- fixeron que o executivo exemplar mermara o ritmo da dedicación, do esforzo, nen da ilusión por ver logrados os obxetivos que a cotío se marcaba. O recoñecemento chegoulle hai uns anos ao ser investido por O Mundo de Galea, Cabaleiro da Orde do Mariscal Pardo de Cela, máximo galardón que concede dita Asociación a aqueles que dende a cultura, a empresa ou a pofesión contribuen de xeito notable ó benestar da nosa sociedade. Esa é, só en parte, a personalidade de quen este ano, con todo merecemento, pregoa as festas de San Lourenzo de Foz. O cronista ratifícase na admiración e no fondo afecto que sente por él.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
