Probas de estrés para os nosos políticos

Fai un tempo falouse moito de as probas de “stess” que o Banco Europeo facia a banca de este vello continente. Non estaría demais aplicar estes controis aos partidos políticos, melloraría moito a calidade da nosa clase política

Como di a máxima que nunca che deitarás sen saber unha cousa máis, os comunicadores do mundo financeiro son quen tomaron o protagonismo pedagógico de ensinarnos novos vocáblos ou novas aplicacións a términos xa existentes, e nalgúns casos inexistentes, para explicarnos o mal que está o mundo da economía e das finanzas.

“Test de stress”, que no noso rico e expresivo idioma equivale a “probas de forza ou de resistencia”, existiron sempre, desde os principios da mecánica máis elemental. Unha cordon rómpese cando xa non soporta máis peso, así de sinxelo.

Véñense aplicando no campo da saúde para determinar o límite irrebasable da tensión que poden soportar os nosos órganos en circunstancias extremas, no deporte para cualificar a forza muscular límite dos competidores, utilízanse na campo da aplicacións informáticas para comprobar as súas posibles respostas, en edificación para demostrar como se comportarían os materiais empregados en circunstancias extremas sobrevenidas, ata en educación para evidenciar a capacidade de reacción cognitiva dos alumnos e evaluar a didáctica dos programas.

En si non son máis que laboratorios experimentais, campos de probas creados artificialmente, simulaciones baixo unhas circunstancias forzadas ou inventadas nas que se somete ao suxeito ou ao obxecto a sobrevivir ou resistir nun medio forzado e poder medir así as súas capacidades extremas.

Non estaría demais aplicar estes controis aos partidos políticos e os seus representantes a nivel estado, autonomico, provincial e local co fin de valorar as súas capacidades de acción e reacción ante eventos inesperados de calquera natureza, iso melloraría moito a calidade da nosa clase política.
A bo seguro que serian moi poucos os que as superaran e enton os mandaríamos para casa e poñeriamos outro e si non as superaba, o seguente, que para levar o bastón de mando en festas e procesions vale calquera.

Otero Regal.