Lourenzá, a 2 de setembro do 2015.- A voceira do Grupo Municipal do Partido Popular de Lourenzá, Emma Álvarez, denuncia que o Punto de Atención á Infancia iniciou o curso esta primeira semana de setembro coa plantilla incompleta.
Álvarez asegura que “dende o Grupo Municipal do Partido Popular lamentamos que a deixadez do Goberno teña como consecuencia que se inicie o curso escolar coa plantilla incompleta, precisamente porque unha traballadora está de baixa dende o mes de xullo”.
A popular explica que “tiveron todo un mes para facer un proceso de selección, pero, o pasotismo do Goberno socialista en Lourenzá fixo que iniciaran o proceso de selección de persoal o mesmo día que se abre o Punto de atención a infancia despois do parón do verán”. Aínda remata nestes días o prazo para anotarse no Servicio Público de Emprego para optar a un posto de interinidade por enfermidade e maternidade para o Punto de Atención a Infancia.
“Un goberno responsable iniciaría o proceso de selección no mesmo momento en que se coñece a baixa da traballadora titular, máxime si se ten en conta que como en todo inicio de curso, hai nenos que por primeira vez asisten ao centro e teñen que pasar un proceso de adaptación que necesita unha maior atención individualizada”, matiza.
A voceira lamenta que “a deixadez do goberno sufrirana as traballadoras do PAI que terán que dobrar o seu esforzo para poder atender as necesidades dos máis pequenos”. Por último, dende o Grupo Municipal do Partido Popular “pedímoslle á Sra. Alcaldesa que se centre na función de goberno, Lourenzá está caendo no desgoberno”.
A iniciativa, enmarcada no programa Conecta Lugo, foi organizada pola CEL e financiada polo IGAPE, e ten como obxectivo o apoio con financiamento ao emprendemento e innovación na provincia de Lugo. Por parte da FCAM interviñeron Isabel Méndez, secretaria da federación mariñá e xerente da asociación CCH de Viveiro; e Beatriz Irigoyen, asesora de A Mariña Federación.
O 112 Galicia recibiu ás 14:30 horas unha alerta por un accidente no lugar da Madanela, en Vilalba. Tratábase dun coche que se saíu da vía e envorcou sobre o lateral da porta da condutora, por iso, non podía saír. Ademais, o coche corría o risco de caer, polo que os Bombeiros de Vilalba tiveron que asegurar o vehículo e extraer a ferida polo maleteiro. Unha vez fóra, foi atendida polo equipo de Urxencias Sanitarias de Galicia-061, sen embargo, rexeitou ser trasladada porque tiña unha persoa ao seu coidado.
O acto celebrarase o 30 de maio ás 21,30 horas na Leira San Antonio de Mondoñedo co seguinte programa: A Directiva da Peña recibirá ao Representante do Real Madrid, Tomás Roncero (redactor xefe no Diario AS), socios e seguidores cantarán o himno do club. A cea será ás 22 horas. A animación musical será a cargo do Dúo Zafiro”. Neste acto poden participar os soci@s da Peña e seareirxs brancxs e terán que ingresar 35€ en ABANCA de Mondoñedo ata o 26 de maio.
Esta nova produción audiovisual foi rodada recentemente en Porto de Vega e os seus arredores, e supón unha nova aposta artística de alto nivel tras o éxito do seu anterior vídeo, Lucha de gigantes, que chegou a millóns de persoas en distintos países.
Catro delas coñecéronse hai dous anos no Camiño Portugués e decidiron volver contactar con ela para organizar esta nova experiencia, buscando algo diferente e menos concorrido que o popular Camiño Francés, neste caso no Camiño Norte.
Estivo organizado pola Asociación Cultural e Artesanal de Mulleres Palilleiras "As Encaixeiras" e contou co apoio do Goberno galego. O porto de Burela foi o escenario no que as palilleiras convocadas amosaron o seu traballo ás persoas que se achegaron. O programa incluiu tamén degustación de empanada de pescada e visitas ao Monte Castelo e á igrexa da Vila do Medio, así como actividades infantís de pintacaras e globoflexia, entre outras.
Terá lugar o venres 23 de maio ás 20,00 horas na sala de exposicións de Regalxunqueira – Viveiro. Ademais do autor participarán a Presidenta do Club de prensa de Ferrol, Julia Diaz Sixto e María José Leira Ambrós, bióloga e sobriña da científica. Serviranse uns petiscos.
