Xove, 3 de outubro de 2015.- A presentación do curso 2015-2016 da Escola Municipal de Música de Xove desenvolveuse este sábado na sede da Escola no antigo Colexio de Palmeiro, a partires das 11:30 horas, como paso previo ao comezo das clases da Escola, que oficialmente van iniciarse o martes, 5 de outubro.
Na mesma informouse aos alumnos/as e pais asistentes de tódalas modalidades e especialidades que a Escola ten para este curso.
A Escola vai acoller este ano a uns 40 alumnos/as, dos cales 7 son de vento, 7 de guitarra e 17 de corda ; a istos hai que sumarlle un grupo de peques de 4 anos en diante.
Durante o curso vanse formar varios grupos: grupo alumnos peques (de 4 anos en diante), grupo de formación de adultos, orquestra e coro. Ademáis, tódolos alumnos terán materias comuns como linguaxe musical, entonación, audicións, …