Foz, 4 de novembro de 2015. O pleno da corporación de Foz aprobou na noite de onte a proposta da Alcaldía para instalar no Camiño da Granda a nova depuradora de augas residuais. O alcalde focense, Javier Jorge Castiñeira, amosouse este mércores moi satisfeito con este paso adiante e chama á oposición que non secundou a proposta, así como aos veciños, a participar na comisión de seguimento que se vai crear e a traballar unidos para que a infraestrutura pode ser unha realidade o antes posible.
“Queremos facer unha valoración moi positiva do pleno deste martes, porque o punto máis importante, que era a proposición da nova localización da depuradora, saíu adiante cos cinco votos favorables do Partido Popular e os tres de Foz Plataforma de Futuro e cos votos en contra do PSOE e do BNG. É ben certo que o que quere agora mesmo o grupo de goberno é que este asunto se tome por parte de todos os concelleiros e veciños coa seriedade que merece e sigamos traballando xuntos e que todos aqueles que non deron a confianza a esta localización se embarquen na comisión de seguimento da depuradora. Vaise traballar para que Augas de Galicia faga un bo traballo nese anteproxecto da nova depuradora e esperamos que cantos máis se sumen a traballar en positivo sobre esta localización nova, moito mellor”, valorou o alcalde.
Castiñeira lembrou que “foron necesario moitos anos para sacar adiante esta localización” e chama ao apoio do resto dos actores implicados para que o proxecto sexa pronto unha realidade. “Queremos que o traballo serio e rigoroso que se fixo nestes últimos meses para buscar unha nova localización continúe e que Augas de Galicia se comprometa a facer canto antes ese anteproxecto. O noso compromiso é de máxima transparencia, de que esa comisión de seguimento formada por políticos e veciños teña a importancia que se merece para que proxecto siga o seu ritmo e que non estea estancado como nestes últimos anos”.
O rexedor municipal declárase “contento” e con “ánimo e afán conciliador sumando esforzos”. “Conseguimos sumar o esforzo de Foz Plataforma de Futuro, á que lle agradezo que tomara coa seriedade que se merece o compromiso electoral que tivo de sacar as cousas importantes de Foz adiante, sen partidismos nin personalismos. Espero que a ese mesmo tren se apunten tamén tanto PSOE como BNG, porque a intención nosa dende logo é que cantos máis apoios, mellor. Agardo un apoio unánime”, rematou Javier Castiñeira.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
