A Mariña, 4 de novembro de 2015. O venres e o sábado, 6 e 7 de novembro, respectivamente continúa en catro restaurantes da comarca a cuarta edición do Mes da Maxia, que organiza a Mancomunidade de Municipios da Mariña lucense en colaboración coa Axencia de Turismo de Galicia, da Xunta. En total son 20 os restaurantes participantes nesta iniciativa, que ano tras ano colleita máis éxitos e se consolida entre as propostas do outono na comarca. E tres son os magos: Teto, Rafa e Charly, que achegarán os seus trucos a aquelas persoas que acudan a gozar dos menús máxicos preparados polos locais que se suman ao Mes da Maxia. A cita prolongarase ata o 28 de novembro.
O venres, 6 de novembro, haberá menú máxico na Parrillada de Jandro en Burela. Alí os que acudan poderán degustar chistes e variñas (tosta de cecina e marmelada de tomate e variña de croquetas variadas), a fada branca (pescada con vichyssoise e crocante de xamón), o clásico Houdini (solombo de porco con redución de ave e crema agre) e chisteira ácida (mousse de limón). Despois da cea actuará o mago Teto.
Tamén o venres haberá menú máxico no Asador en Viveiro. Os asistentes degustarán pedras filosofais (arroz caldoso con ameixas da ría e filloa rechea de grelos ibéricos e setas), peixe enmascarado (pescada do pincho de Celeiro con salteado de tallaríns e froitos de mar), agasallo das fadas (pataca confitada con entraña de tenreira sobre prebe Asador e brotes vexetais) e adiviña adiviñanza (postre O Asador). Nesta establecemento estará o mago Rafa.
Xa o sábado, 7 de novembro, haberá menú máxico no Parador de Turismo de Ribadeo. Os que elixan este establecemento poderán saborear aperitivo Anthony Blake (crema de outono e croquetón de boletus edulis sobre berce de patacas palla), saquiño máxico (sopa de peixe en chisteira de hojaldre), músculo da risa (queixada de porco estufado con viño mencía e saquiño de verduras) e do caixón doce (soufflé de chocolate negro sobre prebe de mora). No Parador de Turismo actuará o sábado o mago Rafa.
E no restaurante O Noso Lar, de Cervo, o menú máxico estará composto de: ritual de benvida (variedade de croquetas e pementos de piquiño recheos), peixe do diaño (pescada á biscaíña), divina profecía (solombo de porco ibérico con prebe de cabrales) e bruxería (tiramisú). O mago Teto será o encargado de amenizar a velada coa súa maxia.
O prezo dos menús máxicos mais actuación é de 25 euros por persoa e inclúe as bebidas: auga mineral, viño tinto ou branco, café ou infusión. As cenas darán comezo ás dez da noite.
O calendario de actuacións pode consultarse na páxina web: www.mesdamaxia.com. As reservas poden facerse directamente nos restaurantes participantes, como mínimo, con 24 horas de antelación. O Mes da Maxia conta co patrocinio de Pazo do Mar e de Distribuciones Carreiras.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
