Na mañanciña do domingo , polo xornal, soubemos da triste nova que nos deixou abraiado: na tarde- noite anterior finara Xosé Ramón Andrade Lestegás, o tan popular “Pequenete”; home polifacético, emprendedor, optimista, traballador, extrovertido e vitalista; animador social, sempre dinámico, de bó talante, matinando con novas iniciativas para o solaz das xentes. Os Pequenete, él e seu irmán Xosé Benito, fixeron posible que Foz contase coa magnífica sala de cine que mercaran á familia Núñez Cageao no ano 1985 cando, de non ser así, posiblemente xa daquela se pechara, e que perdurou ata o 2006.. en que a tolemia inmobiliaria a fixo renderse á piqueta. Polos finais dos anos 80 do século pasado que a familia Bahía cesou na explotación da Pista e Sala de Festas da sua propiedade, os Pequenete tomárona en aluguer e durante anos seguiron organizando bailes e festivais mantendo a categoría dos mesmos, ofrecendo actuacións de orquestras e atraccións do nivel que deran tanto prestixio a aquéla dende a súa creación en 1948.
Funcionario de Correos xubilado; Presidente da Asociación Cultural O Castro de Vilaronte, onde residía, e na que fatalmente perdeo a vida; organizador de festas, como a do Emigrante, que cada ano, na súa parroquia, ten lucida celebración…
Ísta é só unha breve síntese da actividade desenvolvida por Xosé Ramón Andrade , “Pequenete”, tristemente desaparecido,feita a voapluma dende a mágoa da perda do valioso membro da nosa sociedade, do que este cronista foi amigo entrañable.
Suso Fernández
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
