Cervo, 18 de novembro de 2015.- O alcalde de Cervo, Alfonso Villares, enviou un escrito á Deputación de Lugo para propoñer que poña en marcha un servizo de recollida de animais abandonados con tres centros na provincia. Ademais ofrece terreos acondicionados co equipamento necesario para que o municipio cervense acolla as instalacións destinadas á zona norte.
“Desde o Concello de Cervo remitímoslle un escrito á Deputación Provincial de Lugo no que suxerimos o establecemento dun servizo de recollida de animais de compañía abandonados. E a maiores ofrecémonos a poñer os terreos e os equipamentos necesarios para ter un deses centros coordinados pola Deputación Provincial”, anunciou este mércores Alfonso Villares.
O rexedor municipal cervense explicou que “estamos a falar dun problema que hoxe en día nos afecta a todos e a sensibilidade que temos con el cada vez é maior. Algunha xente abandona animais e a quen lle compete recollelos é aos concellos, pero algúns teñen medios para facelo e outros non. Por iso dicimos desde Cervo que a Deputación Provincial é un organismo que podería poñer en marcha este servizo que funcionaría dun xeito coordinado. E a proposta de Cervo é que a Deputación podería poñer 3 centros, por exemplo, para coordinar a recollida de animais de compañía abandonados: un na zona sur, outro na zona centro e o terceiro na zona norte da provincia de Lugo. Con esa coordinación tamén se evitarían as situacións que xorden en moitos concellos, porque se os veciños saben que funciona ben o servizo de recollida en Foz, por exemplo, e non é así noutro concello igual a xente abandona os cans no concello focense. Para evitar estas circunstancias é polo que nós dicimos que a Deputación Provincial ten que ser a administración que coordine este servizo, que ademais é unha demanda que cada vez pedimos máis a sociedade”.
“Nós, desde Cervo, ofrecémonos a poñer uns terreos a disposición da Deputación de Lugo e tamén a acondicionalos para destinalos a ese centro de coordinación para a zona norte dese servizo de recollida de animais que nosoutros pensamos que debería ser xestionado pola Deputación en toda a provincia”, engadiu Villares.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.