Ribadeo, 26 de novembro de 2015.- Ribadeo acolle este sábado, 28 de novembro, a terceira Xornada de Difusión de Proxectos Europeos, que organiza a Asociación de Profesores de Automoción de Galicia. Ao encontro asistirán uns 30 profesores e haberá outros que o seguirán por vídeo conferencia. O presidente do colectivo, Álvaro Doural, subliñou que nestes proxectos europeos hai implicados 14 centros, que contan con 12.000 alumn@s e uns mil profesores.
Doural explicou que “un ano máis por estas datas a asociación fai xornadas, neste caso de difusión de proxectos europeos que está a desenvolver a Asociación de Profesores de Automoción de Galicia, que vai ser o próximo sábado no hotel O Cabazo. Vanse valorar todos os proxectos que se están facendo neste momento, algún que xa rematou ou está a punto de acabar, por exemplo o de innovación e formación, que xa rematou e agora estanse facendo actividades de sustentabilidade do proxecto. Tamén se analizará a iniciativa Aprender a aprender en la FP, que é un proxecto de mobilidade de profesores que se fixo durante este ano 2015. Vaise facer a valoración das tres mobilidades que se fixeron: a Alemania, á República Checa e a Italia. Tamén se valorarán os materiais elaborados polos profesores en cada mobilidade, que están na nosa páxina web: www.apaga.es, onde se poden ver fotos, materiais que elaboraron os profesores dos recursos cos que traballan en centros de Alemania, Italia e a República Checa”.
O presidente de Apaga dixo que “pasaremos a falar tamén dos proxectos que se están iniciando nestes momentos, que é Innovación y conocimiento na Formación Profesional, que arranca agora con mobilidades a Crocia, Estonia, República Checa, Francia e Italia. Estas actividades vanse facer dende agora ata maio de 2016”.
Álvaro Doural contou que “tamén este ano contamos cun novo proxecto dentro doutra modalidade do Erasmus +, que é o de asociación estratéxica. E aí temos o proxecto de redes de mobilidade e innovación na Formación Profesional, que se vai levar a cabo con outros 5 socios: de Estonia, de Crocia, de República Checa, de Francia e Italia. Aborda unha problemática que hoxe en día estamos vivindo nos centros, qué o tema da formación básica; é dicir, como elaborar novos materiais que motiven aos alumnos e que supoñan un cambio de didáctica importante á hora de impartir coñecementos. É un proxecto a dous anos e vaise iniciar precisamente a semana que vén, coa primeira reunión, que será en República Checa o venres e o sábado da vindeira semana”.
Na xornada deste sábado, 28 de novembro, no hotel O Cabazo tamén se analizarán as propostas de proxectos que se van presentar en 2016, pero que se realizarán no 2017.
“É dicir, hai un programa de actividades bastante grande durante a xornada deste sábado, porque a nosa entidade cada vez ten máis iniciativas e preténdese condensar o máximo posible para que a xente que virá de distintos puntos de Galicia e nalgúns casos doutras comunidades, como Navarra, e tamén se vai conectar por videoconferencia con socios de outras autonomías, como Castela León ou Murcia”, engadiu o presidente de Apaga.
Doural engadiu que “na xornada participarán unhas 30 persoas aproximadamente polas invitacións que se enviaron, aínda que está aberto a toda a xente que queira vir á reunión. Pero en principio está xornada está pensada para os centros que están implicados neste tipo de proxectos, que son neste momento 14 centros moi potentes, que contan cun total de cerca de 12.000 alumnos e algo máis de mil profesores. Quen coordina e xestiona todo é Apaga, pero ao redor diso hai, aparte dos socios de acollida nos distintos países, que hai que recordar que neste momento estamos en 11 países da Unión Europea con proxectos de colaboración, e esta xornada está enfocada principalmente a este tipo de xente, independentemente de que nós, como estamos colaborando con algunha entidade máis da zona, tamén está aberta a que se algunha xente está interesada en vir non hai problema ningún”.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
