Lourenzá, 26 de novembro de 2015. O concello de Lourenzá terá unha ampla presenza nas xornadas técnicas que se organizan na Feira de Desenvolvemento A Forza do Local, que se celebrará esta fin de semana, os días 27 e 28 de novembro, no Pazo da Peregrina de Bertamiráns, no municipio coruñés de Ames.
A alcaldesa de Lourenzá, Rocío López, participará como relatora o sábado 18 na mesa redonda A Forza do Local: dimensións políticas e técnicas. Ademais o concello de Lourenzá presentará catro proxectos locais innovadores: o primeiro é o da Sociedade Cooperativa Galega Terras da Mariña, que comercializa Faba de Lourenzá, que se poderá degustar na feira. Expoñeranse ademais a experiencia de posta en valor do patrimonio local na Fortaleza de Tovar e o proxecto Cartoy Pro-Apoyo, unha iniciativa emprendedora de mellora da calidade de vida das persoas maiores. Os asistentes á feira tamén poderán coñecer a Gradicela Arquitectas, unha empresa de servizos baseada na sustentabilidade e o aforro enerxético.
Organizada pola Asociación Finisterrae de profesionais de desenvolvemento local (Afiprodel-Galicia), cofinanciada pola Deputación da Coruña e coa colaboración do Concello de Ames, nesta feira concéntrase un importante programa de encontros, relatorios, roldas de comunicación e mesas redondas que tratarán temas relacionados co desenvolvemento local. O evento conta cunha exposición que pode visitarse no Pazo da Peregrina o sábado dende as 10:00 ata as 20:00 horas, e nela poderán atoparse varias iniciativas de municipios e entidades da provincia de Lugo.
A finalidade destas xornadas é amosar e por en valor as boas prácticas en desenvolvemento local realizadas no territorio galego. A alcaldesa de Lourenzá participará como relatora na mesa redonda A Forza do Local: dimensións políticas e técnicas, que se celebrará na tarde do sábado.
Rocío López destacou que “Lourenzá non pode faltar a esta cita, que é unha oportunidade de dar a coñecer o importante labor que desempeña o Concello no seu traballo de posta en valor de proxectos emprendedores no local. A miña presenza e participación nesa xornada ten como finalidade divulgar as políticas e actuacións municipais en promoción económica e emprendemento. É un intercambio de opinións entre representantes de diversos concellos para reflexionar sobre as competencias locais e o papel dos servizos locais dedicados a estes ámbitos de actuación”.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
