Burela, 26 de novembro de 2015.- Estes días procédese á limpeza dos 67 contedores da recollida do vidro, que hai instalados nas rúas de Burela, segundo deu a coñecer a concelleira de Medio Ambiente, Noelia Mª Ben.
A edil socialista lembra que “se trata dunhas tarefas que se realizan de xeito periódico por parte da empresa que se encarga da recollida do vidro no noso concello”.
Noelia Mª Ben indica que “estamos pendentes de substituír os contedores do vidro que se atopan en mal estado por outros noutros. Estamos pendentes da súa recepción no Concello burelés. Tamén traballamos para reforzar algunhas zonas nas que temos bastante demanda e nas que non chega coa recollida que estamos a facer nestes momentos”.