As iniciativas desenvolvidas no marco do proxecto achegan novas propostas vinculadas ao patrimonio marítimo-pesqueiro e á cultura mariñeira nos territorios dos oito GALP galegos
Viveiro, 31 de agosto, 2026. O proxecto de cooperación Mar e Rías: Pesca & Turismo, no que participan os oito Grupos de Acción Local do Sector Pesqueiro (GALP) de Galicia, entra nunha nova fase coa posta en marcha de diferentes experiencias de turismo mariñeiro e pescaturismo xurdidas ao abeiro do propio proxecto.
As iniciativas están vinculadas ás persoas que participaron nas accións formativas desenvolvidas ao longo do proxecto e que, a partir dos coñecementos e ferramentasadquiridos, desenvolveron diferentes propostas relacionadas co turismo mariñeiro e o pescaturismo nos seus territorios.
Esta nova etapa permite levar á práctica e dar visibilidade ás iniciativas xurdidas durante o proxecto. As actividades achegan diferentes formas de coñecer o patrimonio marítimo-pesqueiro, a cultura mariñeira e os oficios e saberes vinculados ao mar, aproveitando os recursos e particularidades de cada territorio. Deste xeito, cada experiencia incorpora a identidade e os elementos propios da zona na que se desenvolve.
O carácter de cooperación entre os oito GALP galegos é un dos elementos fundamentais de Mar e Rías: Pesca & Turismo. O proxecto permite compartir coñecementos, experiencias erecursos entre os diferentes territorios pesqueiros de Galicia e impulsar iniciativas que contribúan á diversificación das súas economías e á xeración de novas oportunidades vinculadas ao mar.
As experiencias desenvolveranse nos diferentes territorios participantes ao longo desta nova fase, permitindo coñecer de preto propostas relacionadas co turismo mariñeiro e o pescaturismo e poñendo en valor tanto os recursos naturais e culturais como os coñecementos das persoas e comunidades vinculadas ao sector pesqueiro.
Con esta nova etapa, Mar e Rías: Pesca & Turismo dá continuidade ao traballo desenvolvidodurante o proxecto, conectando a formación co desenvolvemento de experiencias reais e contribuíndo a fortalecer novas vías de diversificación nos territorios pesqueiros galegos.
A través da cooperación dos oito GALP, o proxecto aposta así por crear e impulsar novas experiencias arredor do mar, favorecer o emprendemento e poñer en valor o patrimonio marítimo-pesqueiro de Galicia, dando continuidade ás iniciativas que xurdiron durante o seu desenvolvemento.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
