Alba Rodil.- Fai non tanto tempo o alcalde de Ribadeo, Fernando Suárez, amosaba a súa satisfacción porque varias administracións, colaborando ente elas, asumían o compromiso de impulsar a nova residencia de Ribadeo. Naquel momento era todo falar, aparecer a cotío nos medios de comunicación, dando mostran dunha incontinencia verbal moi habitual cando o asunto é do interese do rexedor nacionalista.
O alcalde apostaba por un modelo peculiar, distinto ao doutras localidades: rexeitou á oferta da Xunta para financiar cada ano o concerto da maioría das futuras prazas, e preferíu unha axuda única para financiar a construción do edificio, obra na que están dispostos a colaborar a Deputación de Lugo –co bipartito e co PP- e a Xunta de Galicia, neste último caso achegando 500.000 euros.
Pero aquí comezan os problemas: a Xunta para financiar esta obra está obrigada -por lei- a requirir que o Concello presente varios informes: un de viabilidade no que se acredite o xeito de xestionar e manter a futura residencia e outro de non duplicidade. O alcalde recoñece que ten que achegar estes informes, pero discute o momento no cal debe facelo. Suárez asegura que debe facerse cando a residencia estea a piques de abrir e a Xunta mantén que debe facelo xa, para xustificar esa achega de diñeiro público que debe destinarse a un fin concreto.
Quince meses leva agardando a Xunta por estes informes, o mesmo tempo que o Alcalde leva bloqueando a chegada de 500.000 euros como si neste concello sobrasen os cartos, poñendo en risco esta colaboración. Agora sabemos, ademais, que dous informes xurídicos independentes avalan a petición da Xunta, desmentindo a posición do Alcalde que, curiosamente, sobre todo este garda un sospeitosísimo silencio.
Observando todos feitos, con certa perplexidade, moitos veciños de Ribadeo non podemos deixar de facernos a seguinte pregunta: Se o alcalde recoñece que eses informes son necesarios ¿por que non os manda xa? ¿É mellor poñer en risco a achega dos 500.000 euros? ¿Vamos a perder a colaboración da Xunta por un empezinamento de Suárez Barcia?
Como din na fala popular: a pelota está no tellado do Sr. Alcalde, que non pode seguir mantendo a calada por resposta, nin negar unha documentación que máis pronto que tarde terá que poñer sobre a mesa. O atranco é sinxelo solucionar pero para iso se necesita vontade.
Se ningún partido político dubida que a residencia é necesaria, non pode levar 15 meses bloqueada polo interese partidista dun señor que parece obsesionado en confrontar coa Xunta, ata o punto de interpretar ao seu antollo o que di a lei. Ribadeo está por riba de disputas partidistas. Sr. Alcalde: entregue os informes.
Alba Rodil García.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
