A Xunta de goberno da Deputación Provincial de Lugo aprobou investimentos no rural por importe de 1.100.000 euros. Trátase da resolución das tres últimas liñas de actuación da Área de Cooperación e Asistencia ós Concellos impulsadas no ano 2015. En total realizaranse 134 actuacións ao longo de toda a provincia, neste senso o Deputado delegado da Área de Cooperación e Asistencia ós Concellos asegurou que entidades sociais e colectivos da meirande parte dos concellos da provincia de Lugo son beneficiarias destas tres liñas de actuación, desde Viveiro ao Norte até Carballedo no sur, ou desde Cervantes o leste até Guitiriz o oeste”, así mesmo aclarou que “ para estas axudas a Área de Cooperación e Asistencia recibiu máis de trescentas solicitudes, o cal deixa clara a utilidade e a necesidade da continuación desta actuación económica”.
O Vicepresidente da Deputación de Lugo dixo finalmente que “ a Deputación de Lugo continuará a impulsar na actual lexislatura medidas de apoio, con cifras económicas reais non só con palabras, como as das liñas de Cooperación e Asistencia ós Concellos aprobadas este venres, que contribúan a paliar a sangría demográfica, especialmente severa nos concellos rurais, e que permita que os seus habitantes teñan acceso a servizos básicos de calidade así como garantir un nivel de prestacións sociais equiparable ao de outras poboacións de maior tamaño, para a Vicepresidencia é o obxetivo número un contribuir a igualdade de oportunidades de tódolos habitantes da provincia independentemente de onde se localice o seu domicilio”.
Liña 1: Programa de mellora da mobilidade rural e posta en valor dos núcleos rurais da provincia
Esta liña vai dirixida ó acondicionamento de elementos dos núcleos rurais, pobos e vías públicas como poden ser os muros de contención ou soleiras, melloras de camiños públicos, construción de depósitos contra incendios, redes de abastecemento para o gando, infraestruturas de regadío e a mellora de espazos públicos adicados a aparcadoiros ou a actividades comunitarias. Concedéronse 69 axudas por un importe total de 750.000 euros.
Liña 2: Programa de restauración, reforma, conservación e mellora de centros socioculturais e o seu contorno inmediato
Ten por obxecto a mellora e conservación dos centros socioculturais, as entidades beneficiarias realizarán actuacións coma son o acondicionamento de locais e os seus accesos, renovación de fiestras, dotación de calefaccións, acometidas eléctricas ou abastecemento de auga en 30 locais por importe de 263.207,08 euros.
Liña 3: Programa de equipamento de centros socioculturais
35 entidades, colectivos e agrupacións de veciños adquirirán equipamentos audiovisuais, equipos informáticos, así como bens mobles en xeral por importe de 86.792,92 euros.
A resolución das axudas publicarase no Boletín Oficial da Provincia nos vindeiros días, o prazo para a execución das obras e a adquisición de equipamentos remata o vindeiro 30 de xuño e a súa posterior xustificación o 31 de agosto.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.