Santiago, 11 de marzo de 2016.- O director do Igape, Javier Aguilera, asinou este venres co director da Fundación Escuela de Organización Industrial (EOI), Fernando Bayón, o acordo de colaboración entre ambos organismos para a posta en marcha dunha nova rede de aceleradoras de emprendemento coa que se prevé dar un importante impulso á formación e ao asesoramento de novos empresarios e á creación e consolidación de compañías.
O acordo subscrito hoxe en Santiago, que xa fora autorizado polo Consello da Xunta, e que se prevé desenvolver nos dous próximos anos, está dotado cun orzamento de 4,8 millóns de euros. Ten como obxectivos prioritarios os de fomentar o emprendemento e aumentar as posibilidades de desenvolvemento temperán e de consolidación dos novos proxectos empresariais.
O proxecto impulsado pola Xunta e a EOI incluirá 6 novos centros de emprendemento e coworking que se desenvolverán nas localidades de Xinzo da Limia, Cabanas de Bergantiños, Monforte, Mondoñedo, Ferrol e Celanova para impulsar o reequilibrio territorial da actividade empresarial.
Poderán participar ata 1.500 emprendedores nas accións de formación e asesoramento que se impulsarán para acompañar aos participantes no deseño e avaliación económica de novos proxectos empresariais. Os proxectos con máis potencial poderán participar na fase final, centrada en acelerar a posta en marcha e procurar a súa consolidación como novas empresas.
A Xunta completa con esta nova rede un amplo mapa de aceleradoras que comprende, xunto con estas seis sedes, os proxectos de Agrobiotech –localizadas no Parque Tecnolóxico de Ourense e no CETAL de Lugo- e de Vía Galicia – en colaboración con Zona Franca de Vigo e con localizacións no porto do Molle de Nigrán e na Confederación de Empresarios de Lugo-.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
