Burela, 5 de abril de 2016.- O CD Burela FS Pescados Rubén espera este mércores a Selección de Guatemala apostando polo Futuro Laranxa para a cita solidaria, cuxa recadación con Fila 0 (2 euros/entrada) irá destinada á Asociación Camiña e a Fundación Eu Son. Vista Alegre acollerá o amigable a partir das 20.30 horas, coa novidosa presenza dos xuvenís Christian Rivas, ‘Pitero’, e Sergio Cora, ademais de Alemán, do Burela FS B, na convocatoria mariñá.
“É un partido que nos debe servir para preparar a importante cita co Levante o venres, un partido no que espero que os máis novos aproveiten os minutos e aprendan do xogo na pista medíndose a un equipo de nivel” explicaba o técnico, Daniel Ibañes, que regresará temporalmente ao banco, antes de cumprir o seu segundo e último partido de suspensión na liga, esta semana. O adestrador burelista poderá dispoñer de toda a plantilla, a excepción de Mata, co regreso de Chano, tras o encontro de sanción, e Isi, tras molestias no xeonllo, ademais do xuvenil Renato, habitual dende comezos de tempada.
Aquelas persoas que non poidan asistir tamén poderán colaborar cos colectivos facendo as súas achegas en:
Asociación Camiña: ES90-2080-0109-16-3000085332 (Abanca)
Fundación Eu Son: ES77-2091-0109-83-3040018867 (Abanca)
Xira en Galicia
O enfrontamento co equipo Daniel Ibañes será o cuarto da Selección de Guatemala na súa xira en Galicia que arrancou este domingo en Noia (5-5). O luns mediuse ao Santiago Futsal (4-4) e hoxe farao co Cidade de Narón; tras a súa visita á Mariña, o xoves enfrontarase ao Leis Pontevedra.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
