Burela, 16 de abril de 2016.- O Burela FS Pescados Rubén viviu unha das súas tardes máis desafortunadas en Vista Alegre este sábado fronte ao sempre impoñente Elpozo Murcia (1-8). A actitude e as ganas dos mariñáns, que sabían que o encontro deste sábado se expuña como unha gran xesta, non foron suficientes para bater a determinación do Bronce de Primeira, que puxo a remontada para os laranxas pouco alcanzable, con 0-4 xa ao descanso.
Jé estreou o luminoso no minuto 5, tras perda de Iago Míguez. O tándem dos Iago dispuxo dunha gran ocasión na área visitante para igualar no minuto 12, quizais a mellor ata o momento; non callou e aproveitaron poucos segundos despois os de Elpozo, co 0-2 de Marinovic, tras rexeite de Álex fronte a Adri. No 14, Matteus ampliou a brecha sorprendendo a Álex, que perdeu a traxectoria do esférico tapado pola defensa burelista. A falta de cinco minutos para o descanso, os de Daniel buscaron a remontada con Iago Rodríguez de azul. Fabio estivo correctísimo ante as perigosas accións de Antoñito e Chino; Iago Míguez, pouco despois, a punto estivo de anotar o 1-3 de disparo cruzado, pero foise desviado por nada, e acto seguido tentou sorprender Jorge desde máis lonxe. Cando máis estaban a pelexar e merecendo o gol os de Daniel Ibañes, chegou o cuarto dos visitantes a porta baleira, de Juampi, tras perda de Chano.
No segundo acto, cun lastre demasiado pesado, a fortuna non se aliou cos mariñáns. Aos 47 segundos de volver á pista, subiu o 0-5, cun balón que esperaba Jé ao bordo da liña de meta e que tentou despexar Jorge sen éxito. Tentaron manter a compostura os laranxas e salvar o partido con moitos minutos aínda por diante; tras boas tentativas de Chino, ao corpo de Fabio, e Jorge, ao pau, Adri rubricou o 0-6 no minuto 26, tocando outra vez en Jorge antes de perforar a rede. Superada a medianía e despois dunha gran diagonal de Chano na área murciana fronte ao muro infranqueable de Fabio, volveu Iago Rodríguez liderar o xogo de cinco e atopou o merecido gol da honra (minuto 32). Seguiu apostando o Pescados Rubén polo porteiro xogador para recuperarse e tentar endereitar o rumbo no últimos sete minutos; o contundente Elpozo Murcia, con Matteus, ampliou distancias ata o final 1-8, a porta baleira no minuto 5 e en xogada individual a falta de 46 segundos.
Ficha técnica
CD Burela FS Pescados Rubén: Álex, Iago Rodríguez, Carlitos, Jorge, Chino, cinco inicial; tamén xogaron Iago Míguez, Isi, Chano, Antoñito, Alemán
Elpozo Murcia FS: Fabio, José Ruiz, Juampi, Adri, Marinovic, cinco inicial; tamén xogaron Matteus, Jé, Fernando, Lolo Suazo, Josema, Elías
Goles: 0-1, minuto 5, Jé; 0-2, minuto 12, Marinovic; 0-3, minuto 14, Matteus; 0-4, minuto 19, Juampi; 0-5, minuto 21, Jé (p.p. de Jorge); 0-6, minuto 26, Adri (p.p. de Jorge), 1-6, minuto 32, Iago Rodríguez; 1-7, minuto 35, Matteus;1-8,minuto 39, Matteus.
Árbitros: Redondo Areais // Viedma Martín (Castela e León). Por Burela FS amarela a Álex (minuto 21), Iago Rodríguez (minuto 22)
Incidencias: Partido correspondente á 28ª xornada da Primeira División da LNFS disputado en Vista Alegre. Ao redor de 1.100 espectadores.
No acto, desenvolvido no Teatro, interviñeron o alcalde, Dani Vega, e a presidenta de Acisa, Carmen Cruzado. O Coro Sagrado Corazón puxo a nota musical a esta primeira cita deste evento histórico cultural. A continuación foi a baixada ao peirao na compaña do enxebre cuarteto Illa Pancha e xa en Porcillán tivo lugar a chegada dos indianos a cargo do prestixioso Grupo de Teatro de Ribadeo. Gallaeia Small Band e Septeto To’ Mezclao amenizaron o peirao e o Campo de Francisco esta primeira xornada do Ribadeo Indiano 2026. O sábado e o domingo desenvolverase un intenso programa de actividades pensadas para todos os públicos.
Con este xesto, o Concello quere expresar o seu máis fondo pesar e trasladar toda a súa solidariedade e apoio ás familias das vítimas, ás persoas afectadas e a toda a veciñanza, compartindo a dor por esta inmensa traxedia.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
Unha actividade marcada polo deporte, o compañeirismo e o bo ambiente. Na categoría Sub-12, os equipos gañadores foron Xove Fútbol Praia, Viveiro Celtic e Sanci FC; en Sub-15, Cachupa, Wachines e Encueradores; en Sub-17, Hamburguesas FC, EnlaDepor e Wachines; e na categoría Sénior, Hamburguesas, La Org e Motototo. As medallas foron entregadas pola alcaldesa de Cervo, Dolores García Caramés, quen felicitou os equipos e agradeceu a participación das persoas inscritas, das familias, do público e dos colaboradores, destacando que fixeron posible unhas noites de fútbol praia inesquecibles. A programación deportiva continuará a semana do 20 de xullo coa celebración do torneo de Fútbol 3x3.
O músico ofrecerá un repaso polos clásicos de Dire Straits, Eric Clapton, Pink Floyd, Lou Reed, Bruce Springsteen, Bob Dylan, Joaquín Sabina e moitos máis, nunha xornada dedicada á música e á historia do local. Esta será a primeira das actividades que se irán anunciando con motivo do 25 aniversario, cunha cita marcada para o 12 de xullo, no propio Rincón de Mondoñedo.
Con ela pechouse a celebración das festas de Santa Isabel que, un ano máis, foi todo un éxito.
As persoas interesadas poderán presentar a súa solicitude ao longo desta semana nas oficinas municipais do Concello de Trabada. O alcalde de Trabada, Rubén García, explica que “desde o Concello queremos dar a máxima difusión a esta convocatoria para que todas as persoas interesadas poidan presentar a súa solicitude e formar parte desta bolsa de emprego”. Desde o Concello animan a todas as persoas interesadas a presentar a súa solicitude dentro do prazo establecido, co obxectivo de garantir a correcta cobertura deste servizo municipal durante o período vacacional.
