Burela, 25 de abril de 2016.- No pleno extraordinario, que se celebrará o vindeiro venres, 29 de abril, no Concello burelés sometarase a aprobación a adhesión ao convenio marco de colaboración entre a Consellería de Medio Ambiente para a xestión dos residuos de aparatos eléctricos e electrónicos. E tamén se estudará a incoación dun preceptivo informe de resolución do contrato de xestión da recollida do lixo, segundo deu a coñecer na tarde deste luns o alcalde, Alfredo Llano.
O rexedor explicou que “este venres teremos un pleno extraordinario ás dez da mañá basicamente porque hai unha serie de puntos que nos obrigan a apurar. Son basicamente a adhesión do noso Concello ao convenio marco de colaboración entre a Consellería de Medio Ambiente e as entidades xestoras dos Sistemas Integrados de Xestión (SIX) para tratar os residuos de aparatos eléctricos e electrónicos no noso concello”. Alfredo Llano dixo que “vamos tratar de facilitar un labor que me parece moi importante, que é recuperar os residuos que se xeran nos aparellos electrónicos e eléctricos, que son moitos e moi variados e algúns deles contaminan moitísimo. Por tanto o que se vai tratar de facer é unha aposta por unha recuperación controlada. Tamén vamos tratar de mellorar o punto limpo e por tanto este convenio de adhesión é importante para o noso concello e canto antes o fagamos moito mellor”.
O alcalde contou que “outro punto refírese a empresa de limpeza viaria, que é Celtaprix, que está pasando uns momentos de provisionalidade e polo tanto temos que facer unha incoación dun preceptivo expediente de resolución do contrato de xestión do servizo de recollida do lixo. Porque evidentemente ao estar nunha situación na que non é a propia empresa quen pode dunha forma directa xestionalo vamos procurar facilitar que esta empresa siga traballando ata xaneiro de 2017, que é cando remata o contrato co Concello burelés”. Llano subliñou que “entón vamos procurar que siga ata esa data, pero xa non dunha forma de xestión directa coa empresa senón a través dos medios que a lei outorga para estas cuestións. E unha vez chegados a esa data, a de xaneiro do ano 2017, vamos tentar sacar unha alternativa moi consolidada e preparada para que este servizo, o da recollida do lixo, siga cunha fórmula de recuperación cara ao Concello ou ben dunha nova cesión a unha empresa concesionaria para facer este traballo”.
O rexedor insistiu: “quero dicir con toda claridade que vamos estudar todas as posibilidades que hai para reducir ao máximo posible o custo da recollida de lixo no noso concello. Aproveitando esta oportunidade vamos tratar de mellorar o servizo e tamén abaratar ao máximo posible o custo para os veciños do noso concello”.
No curso traballáronse técnicas antigas de Ju Jutsu e Aiki Jujutsu. Desprazáronse profesores e alumnos avanzados de diferentes recunchos de España, así como de Portugal, Ucrania, Países Baixos, Suecia e Bélxica. A alcaldesa, Dolores García Caramés, quixo achegarse ata o pavillón do CEIP Península da Paz para saudar ás persoas asistentes e felicitou unha vez máis a Miguel Ángel Rojo por volver poñer a Cervo no mapa a nivel Europeo en canto a seminarios de artes marciais do máximo nivel.
Este luns tivo lugar a presentación do cartaz. Estiveron presentes os organizadores, membros da Asociación de Festexos A Medorra (Jordi Meitín, Julio Lamelas e Borja Cociña) acompañados da Primeira Tenente de Alcalde Mª Dolores Meitín. Ás 12 da mañá dará comezo a festa co pregón a cargo de Basilio Otero, presidente da Federación Nacional de Cofradías de Pescadores. A xornada gastronómica estará amenizada por “Os Charangos de Neda” e polos cantos de taberna de “Espera que vou mexar”.
Unha maneira divertida e creativa de reciclar mentres soñan con aventuras baixo o mar.
Este mércores, 9 de xullo, a partir das 12h o Concello organiza unha excursión en kayak desde o porto de O Vicedo ata o Río Sor. Trátase dunha excursión dunhas 2 horas onde se fai un percorrido fantástico cruzando a ría para emprender a subida polo río Sor, pasando por debaixo das pontes sobre o río, Illa de S. Martín, Negradas e rematando na contorna de Ribeiras do Sor. Unha actividade para todas as idades que ten un custe de 20 € por persoa. Inclúe materiais e transporte de regreso desde Ribeiras do Sor ata o Porto do Vicedo. Inscricións no 982 59 01 95 en horario de mañá e tarde.
O Club Shitokai Galicia A Mariña presentou a catro aspirantes que resultaron aprobados: Carlos Fernández e Elena Dovale: 2º Dan (coa inestimable colaboración de Alejandra Gómez nos traballos técnicos por parellas). Gael Álvarez e Cristian Rancaño: Cinto Negro. Con estes resultados alcanzaron xa a cifra de 160 Cintos Negros Oficiais RFEK recoñecidos por CSD. A destacar o magnífico traballo realizado por todos os aspirantes.
Nada se puido facer por salvarlle a vida. O 112 Galicia foi coñecedor deste suceso uns vinte minutos antes das 14:00 horas deste domingo, momento no que un coche e unha moto colidiron, co motorista inconsciente logo do impacto. Desde o CIAE 112 Galicia solicitouse a intervención do Servizo de Urxencias Sanitarias de Galicia-061, do GES de Ortigueira, da Garda Civil de Tráfico e da Policía Local. Os medios acudiron ata o punto, no quilómetro 49 da AC-862, pero só puideron confirmar o falecemento do motorista.
Entregaron os agasallos a edil de Medio Ambiente, Mali Méndez, e o concelleiro Alfredo Fernández. 1º Premio: Banco de Loiba, de Diego Pérez Dopico. 2º Premio: Bolboretas: sementadoras de vida, de Germán Paleo Navarro e Paz, de Marcial Fernández. TOP CERVO: Ruínas, de Consuelo Fra Fernández e Paz, de Marcial Fernández. Mención especial para Adaoemam A Mariña "por ser sempre tan participativa en todas cantas iniciativas se promoven desde o Concello".
