Santiago de Compostela, 5 de abril de 2016.- O portavoz de Pesca do Grupo Socialista, José Ramón Val, esixiulle este martes ao goberno galego que “tomen en serio dunha vez por todas aos portos da Mariña”. Así o dixo no debate dunha pregunta en Comisión dirixida ao presidente de Portos de Galicia, José Juan Duran, a quen lle lembrou que malia os seus anuncios de propaganda, aínda teñen “todo por facer” nos dragados de Burela e Celeiro.
O responsable socialista lembrou que, malia o compromiso do goberno galego, a realidade é que aínda non comezaron co proceso para dragar as dársenas e, o pouco que fixeron, que foi o dragado de Burela, resultou “ineficaz” por canto hai un mes quedou varado un arrastreiro na baixamar e tivo que ser remolcado para evitar males maiores.
Explicou que aínda está pendente a definición do punto de vertido e, a partires de aí, o inicio dun longo percorrido na recollida de informes das distintas administracións competentes na materia, como son Patrimonio, a Dirección Xeral de Desenvolvemento Pesqueiro, a Secretaría Xeral de Pesca, a Dirección Xeral de Costas, a Secretaría Xeral de Calidade de Avaliación Ambiental ou a Dirección Xeral de Conservación da Natureza.
Así o explicaba o goberno galego nunha resposta escrita sobre o proxecto de Celeiro que remitida ao Grupo Socialista o pasado 9 de febreiro. Aínda despois de todos estes trámites, lembrou, “si os informes son favorables, resta recoller o permiso da Capitanía Marítima para iniciar a fase de redacción e adxudicación do proxecto”.
Portos importantes
Val Alonso reclamoulle ao goberno galego “actuacións previstas e prazos para desenvolvelas” en favor dunha poboación que depende en boa medida de dous portos que facturan 150 millóns de euros en primeira venda de pesca fresca, o que da medida da súa importancia.
Acusou a Portos de “entreterse en cousas menores” como “pintar aparcamentos ou os pantaláns” cando “os usuarios dos portos coñecen perfectamente o que hai” logo de varios dragados consecutivos en distintos portos, mal planificados e “que non funcionaron”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
