12 de maio de 2016.- O Consello da Xunta de Galicia aprobou este xoves o convenio de colaboración entre a Consellería de Política Social e o Concello de Cervo para o equipamento dun centro sito en San Cibrao, no cal se prestarán servizos das carteiras de promoción da autonomía e atención á dependencia.
Deste xeito a Xunta de Galicia incrementa a dispoñibilidade de equipamentos de servizos sociais na zona rural das Mariñas. En concreto, poranse á disposición de persoas maiores e/ou dependentes 53 prazas residenciais e 25 de atención diúrna. Este acordo suporá a posta en funcionamento dun centro de servizos sociais que dará resposta á demanda existente, garantindo así o dereito a que os servizos no medio rural sexan accesibles ás persoas con discapacidade e ás persoas maiores, e tomando en consideración as necesidades particulares dos cidadáns do medio rural na definición e aplicación das políticas e medidas de protección social.
O importe total do orzamento ascende a 160.000 euros, dos cales a Xunta de Galicia financia 150.000 e o Concello de Cervo, 10.000 euros. En execución dos programas de gasto para o desenvolvemento rural de Galicia, realizáronse investimentos nas súas distintas zonas rurais. Nestes programas analízase a situación e as necesidades de cada zona rural impulsando actuacións específicas obxecto de financiamento dentro do programa.
Así as cousas, entre as fontes de financiamento empregadas para acometer tales investimentos atópanse, por unha banda as cofinanciadas pola Administración Xeral do Estado a través do Programa de desenvolvemento rural (PDR) e, por outra, os recursos propios da comunidade autónoma. Nesta liña, a Xunta de Galicia está a impulsar con cargo aos seus orzamentos as actuacións que pola súa singularidade adquiren un carácter prioritario. Tal é o caso do centro de servizos sociais do Concello de Cervo, no cal só é necesario completar a dotación do equipamento para a súa posta en funcionamento.
Os asistentes puideron escoitar nas últimas horas a Payton Pritchard, xogador dos Boston Celtics da NBA, que participou no campus a través dunha vídeo conferencia. O concelleiro de Deportes, Francisco José Silvent, comentou que “para nós é un orgullo que os rapaces que asisten a este campus teñan a posibilidade de escoitar a unha estrela da NBA. Non todos os días se contacta desde un campus dun concello como Ribadeo cun xogador deste calibre”. E engadiu: “sabemos que están gozando ao máximo desta experiencia”. O campus Sublime deu comezo o pasado domingo e rematará o 25 de xullo. Á cita asisten trinta rapaces.
As mostras, que se inaugurarán o vindeiro venres 25 de xullo ás 19:00 horas, permanecerán abertas ata o 18 de agosto, en horario de martes a sábado de 09:00 a 14:00 horas. “Lumen Tenebris”, de Eva Diamond, reúne por primeira vez unha ampla colección de obras dunha das referentes nacionais do lixeiro painting. “Aurum Obscurum”, de Patricia López Amorós, marca a primeira exposición individual desta artista naviega graduada en Belas Artes.
Da man do adegueiro de Meaño, o restaurante ofrecerá cinco viños seleccionados. A cata terá lugar o mércores 30 de xullo. As prazas son limitadas, teñen un custo de 28€ e é necesario reservar con antelación.
Poderá visitarse ata o vindeiro 29 de xullo con entrada libre no horario habitual. A mostra reúne retratos, paisaxes e esceas íntimas realizadas en acuarela, unha técnica que o autor leva décadas explorando cun estilo persoal, marcado pola sutileza, a emoción e a economía de medios. Médico e investigador en epidemioloxía ambiental, López-Abente desenvolveu a súa carreira no Instituto de Saúde Carlos III, en Madrid. A súa traxectoria artística, que foi medrando en paralelo á científica, ofrece unha ollada singular sobre o mundo que o rodea, entre a precisión e a intuición, entre a memoria e a beleza.
A alcaldesa, Dolores García Caramés, achegouse ata Lieiro para participar na limpeza e acondicionamento deste lugar emblemático, agradecendo o compromiso e implicación do tecido asociativo local, e destacando a importancia de traballar en conxunto para preservar o patrimonio común, xa que "accións coma esta permiten recuperar espazos singulares que forman parte da nosa identidade”.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
A tradicional procesión marítima é un dos momentos máis esperados e especiais destas festas. A cita foi amenizada polo Cuarteto Illa Pancha. Ducias de embarcacións acompañaron á Virxe do Carme, que se fixo á mar no barco do práctico, e surcaron as ondas da ría saíndo de Ribadeo e achegándose a Figueras e Castropol. Xa de volta, a Coral Polifónica de Ribadeo interpretou, entre outros temas, a Salve Mariñeira. Os actos contaron coa presenza do delegado territorial da Xunta en Lugo, do alcalde, de concelleiras e concelleiros da Corporación Municipal de Ribadeo, de representantes da confraría de pescadores, de Aduanas, do Galp A Mariña-Ortegal, de Acisa e da Policía Local, entre outros.
