Madrid, 12 de maio de 2016.- A escritora mariñá Marisol Moreda, que este mércores presentou a súa nova novela El último facetime en Madrid, reclamou ao goberno español que se destinen máis medios para a investigación de enfermidades raras, que afectan neste país a máis de tres millóns de persoas. Moreda dixo que “es una lástima que muchos investigadores españoles se tengan que ir a otros países para poder desarrollar su trabajo y para que se les reconozcan sus avances”.
No acto, organizado pola ong Otro mundo es posible, da que é presidenta de honra Marisol Moreda, púxose de manifesto “la necesidad de concienciar a los medios de comunicación y a la sociedad de la situación de abandono, por parte de las autoridades sanitarias y de los gobiernos, en la que se encuentran las personas que sufren enfermedades raras en España”. Todos insistiron en que “con el dinero que se gastarán los partidos políticos en la próxima campaña electoral se cubrirían las necesidades de más de 700.000 niños de casos difíciles”.
Marisol Moreda doará a recadación da venda da súa novela El último facetime para a investigación en prol das denominadas enfermidades raras (considérase enfermidade rara aquela que ten unha incidencia de un por cinco mil ou dez mil, segundo os casos).
El último facetime é unha novela de trama amorosa, de intriga, de suspense, de espionaxe, no que a guerra de Siria irrompe nalgún dos seus capítulos. Nesta historia tamén aparece Santi, un neno con deformacións no rostro, con dificultades na vista e no oído e con problemas respiratorios asociados. Trátase dun neno que é consciente de ser diferente, e que está necesitado de toda clase de médicos para atender a súa patoloxía.
Acompañaron a Marisol Moreda nesta emotiva presentación o presidente da Fundación Cultura de Paz, Federico Mayor Zaragoza; Pablo Lapunzina, director científico de Ciberer, Hospital La Paz, de Madrid; Cristóbal López da Manzanara, presidente da Asociación de Empresarios de Farmacia de Madrid; e Juan Carrión, presidente da Federación Española de Enfermidades Raras. O acto foi coordinado por Celestino Olalla, presidente da ong Otro mundo es posible.
No acto estivo Zaira, unha nena que sofre unha enfermidade rara, que acudiu desde Pamplona acompañada pola súa nai. Marisol Moreda regaloulle á pequena unha camiseta asinada por Cristiano Ronaldo e con dedicatoria especial para ela, e outra do mesmo futbolista sorteouse entre os asistentes. Tocoulle ao xenetista Pablo Lapunzina, que a volveu doar para outro acto benéfico.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
