A asociación Nordés segue co seu programa de diversificación de actividades.
Despois da adicada no mes de marzo á inspección do río Sor, e a do pasado abril ó problema da plaga de véspora asiática, chega esta vez unha xornada que ten coma obxectivo a protección e posta en valor do patrimonio arqueolóxico da bisbarra do Ortegal.
Deste xeito, para o sábado 21 deste mes de maio propónse, a toda a xente que queira vir, un percorrido pola terra, lendas e historia de San Adrián de Veiga.
Nesta parroquia do concello de Ortigueira, situada xusto no límite co concello de Cariño, temos á nosa disposición un patrimonio moi rico. Por iso,para o devandito 21 de maio, Nordés ofrece un roteiro didáctico para percorrer pola mañá, con punto de saída do aparcadoiro do Centro Social de San Adrián o Castelo do Casón e o Pozo do Inferno.
Para despois da visita ós lugares indicados, e a iso das dúas da tarde, está previsto xantar na Casa Veiga un menú ó prezo de 15€, para o cal é preciso apuntarse, ata o 19 de maio, chamando ó 653756454 (Ricardo), no e-mail asociacion.nordes@gmail.com ou enviando unha mensaxe á nosa conta de Facebook. Animádevos!
Unha vez se teñan reparado forzas escomenzará a xornada de tarde, estando previsto achegarse ao castro do Monte do Medio e as mámoas do Chao da Arada. Incluso pode que se visite algún punto máis.
Ámbalas dúas saídas faranse na compaña e dirección de Vanesa Trevín, arqueóloga, e Pepe Riola, experto na historia e lendas da zona.
A hora de quedada para a xornada de mañá será nestes dous lugares, según os intereses dos participantes: ás 10:00 h. no aparcadoiro da Alameda en Ortigueira ou ás 10:30 h. no aparcadoiro do centro social de San Adrián.
Ainda que o roteiro non ten un percorrido a pé excesivo nin complicado, é necesario levar roupa e calzado axeitado para unha travesía polo monte.
Dentro das actividades da Concentración de Club de Morgan España, que se está a realizar estes días, tivo lugar unha visita a Mondoñedo que incluíu unha recepción por parte das autoridades municipais. Na mesma, que tivo lugar na Praza da Catedral de Mondoñedo, ao carón destes vehículos históricos, o Alcalde, Manuel Ángel Otero e a Concelleira de Turismo, Patricia Otero Doural, conversaron cos participantes e agasallaron a estes cunha bolsa con materiais sobre Mondoñedo. Tras esta breve conversa, procedeuse a realizar unha visita pola zona histórica da cidade episcopal.
Sami Ashour, natural da localidade de Khan Younis, no sur da Faixa de Gaza, onde reside a maioría da súa familia, é o presidente da Asociación galaico-árabe Jenin, que agrupa a comunidade palestina residente na Galiza. A palestra Sami Ashour pretende achegar un testemuño de primeira man sobre o xenocidio israelí en Gaza e ofrecer unha análise sobre as condicións de vida poboación gazatí.
Este xoves desde o Concello de Cervo achegaron ao alumnado dos dous colexios de infantil e primaria da localidade unha didáctica sesión teatral sobre a importancia de reciclar. O alumnado pasouno en grande "xogando a reciclar" da man de Fanny Medioambiente.
Foille notificada polo Tribunal Superior de Xustiza de Galicia. O cervense, que declarouse "absolutamente inocente", anunciou a súa decisión ao Presidente Rueda. A denunciante sería unha popular presentadora de TV ferrolá.
1º. Banco de Loiba. De Diego Pérez Dopico. 56 puntos. 2º Bolboretas: sementadoras de vida. De Germán Paleo Navarro. 47 puntos. TOP CERVO Ruínas. De Consuelo Fra Fernández. 36 puntos. En total participaron 26 instantáneas. Desde o Concello agradecen a participación neste certame consolidado que é tamén unha chamada á reflexión, por captar e compartir a súa ollada neses momentos que reflicten o respecto, a beleza e tamén os retos que afronta a noso medio ambiente; ao tempo que nos permiten coñecer o seu traballo a través da súa óptica, e tamén descubrir lugares e situacións únicas, como sempre fan edición tras edición nesta iniciativa que “naceu para poñer en valor a nosa contorna natural e fomentar unha conciencia máis respectuosa co medio".
Farao tras recibir a autorización concedida pola consellería de educación.
O programa dará comezo o 1 de xullo e ramatará o 29 de agosto en horario de 10:00 a 14:00 h. Levarase a cabo a través dun proxecto de voluntariado xuvenil, que nesta edición conta con cinco persoas voluntarias do Concello.
