Fotografías de Iván Álvarez Merayo no Forte de San Damián

A época de exposicións no Forte San Damián inaugúrase en Ribadeo a partir deste venres 15 de xullo coa exposición do fotógrafo monfortino Iván Álvarez Merayo, que fará un percorrido por dous dos seus últimos proxectos: “Por que tapan a dor con flores” e “Je ne bais plus”. A primeira colección afonda nas emocións, nos sentimentos, nas paixóns. Na dor. Sobre as ausencias e as desaparicións. A segunda, “Je ne bais plus”, conforma unha ollada artística contra a violencia machista. A arte como mostra de rexeitamento a un dos dramas maioritarios da sociedade actual. O horario de visitas será de 11.30 horas a 13.30 horas e de 18.30 horas a 20.30 horas e estará no Forte de San Damián até o 31 de xullo.