O Valadouro, 29 de xullo de 2016.- O presidente e portavoz do Partido Popular local, José Manuel Lamela, acusou a socialistas e nacionalistas de bloquear o necesario arranxo do patio exterior da escola infantil pese a que é unha reclamación recorrente das nais e pais dos nenos usuarios do centro avalada con máis de 400 sinaturas dos veciños.
Os populares defenderon unha moción no último pleno, que non prosperou pola falta de apoios das forzas do Goberno local, pedindo que o Concello execute con urxencia esta obra de mantemento que, segundo o convenio regulador, é de competencia municipal, ao tratarse dunha actuación de conservación polo deterioro da superficie actual.
Lamela foi moi crítico coa actitude amosada polo alcalde socialista que fixo oídos xordos á reivindicación das nais e pais eludindo a súa responsabilidade baixo o pretexto de que aínda a resposta do Consorcio de Benestar respecto da competencia sobre a execución desta obra.
“O que está claro é que durante o verán era o mellor momento para acometer estas obras de mantemento e o Goberno local négase a executalas. Non lles importa que o próximo curso arranque cun patio deteriorado, nin tampouco o consecuente perigo para os nenos”
O BNG non se molla pero facilita o bloqueo
Os populares foron tamén moi críticos coa postura amosada polo BNG que decidiu absterse, ante a petición realizada polo PP na súa moción, unha posición que aseguran “non engana a ninguén”. Os nacionalistas “non queren mollarse neste asunto, pero saben que absténdose a moción co voto de calidade do Alcalde non sae adiante e polo tanto, están dicindo que non se faga a obra”
Lamela lamenta a actitude do Equipo de Goberno local e lembra incluso que esta é a segunda vez que o Concello do Valadouro fai deixadez das súas competencias en materia de mantemento da Escola Infantil e, de feito, xa aconteceu unha situación similar cando se produciu unha avaría que privou de auga quente ao centro durante un tempo.
Está organizada pola comisión Desembarco Normando, co fin de recadar fondos para este evento que se celebrará a finais de agosto. Haberá música a cargo dun DJ e por suposto racións de ovo frito con patacas, chourizo, pan e un vaso de viño ou auga a elixir a 10€ a ración, e para quen prefira outra opción, haberá racións de empanada a 4€.
As mostras, que se inaugurarán o vindeiro venres 25 de xullo ás 19:00 horas, permanecerán abertas ata o 18 de agosto, en horario de martes a sábado de 09:00 a 14:00 horas. “Lumen Tenebris”, de Eva Diamond, reúne por primeira vez unha ampla colección de obras dunha das referentes nacionais do lixeiro painting. “Aurum Obscurum”, de Patricia López Amorós, marca a primeira exposición individual desta artista naviega graduada en Belas Artes.
Da man do adegueiro de Meaño, o restaurante ofrecerá cinco viños seleccionados. A cata terá lugar o mércores 30 de xullo. As prazas son limitadas, teñen un custo de 28€ e é necesario reservar con antelación.
Durante o encontro, aberto ao público, proxectouse o vídeo promocional da candidatura e compartiuse a documentación presentada, nun acto que reuniu a numerosos colectivos, entidades e veciños comprometidos co dinamismo social e cultural do concello.
Poderá visitarse ata o vindeiro 29 de xullo con entrada libre no horario habitual. A mostra reúne retratos, paisaxes e esceas íntimas realizadas en acuarela, unha técnica que o autor leva décadas explorando cun estilo persoal, marcado pola sutileza, a emoción e a economía de medios. Médico e investigador en epidemioloxía ambiental, López-Abente desenvolveu a súa carreira no Instituto de Saúde Carlos III, en Madrid. A súa traxectoria artística, que foi medrando en paralelo á científica, ofrece unha ollada singular sobre o mundo que o rodea, entre a precisión e a intuición, entre a memoria e a beleza.
A alcaldesa, Dolores García Caramés, achegouse ata Lieiro para participar na limpeza e acondicionamento deste lugar emblemático, agradecendo o compromiso e implicación do tecido asociativo local, e destacando a importancia de traballar en conxunto para preservar o patrimonio común, xa que "accións coma esta permiten recuperar espazos singulares que forman parte da nosa identidade”.
O queixo Don Crisanto, elaborado baixo a Denominación de Orixe Protexida San Simón da Costa, foi distinguido como o mellor queixo madurado de vaca e recibiu tamén o premio especial ao mellor queixo de España entre as 135 mostras presentadas.
