Burela, 28 de Xullo de 2016. Este xoves volvía ó pleno ordinario do Concello de Burela a resolución do contrato de limpeza e recollida de lixo, ante as alegacións presentadas pola empresa Celta Prix. O informe técnico externo solicitado polo equipo de goberno é claro e eleva a indemnización que se lle reclamará á empresa ó millón de euros. Chama a atención que a meirande parte deses cartos derivan da nave industrial que nunca se construíu e que ó concello de Burela lle supoñían 125.000 euros tódolos anos durante os últimos trece. “Imos coñecendo a que era debido o alto prezo da taxa de lixo que pagamos en Burela. Estas son as consecuencias e as desvantaxes que xeran as privatizacións nos servizos básicos” sinalou a concelleira do BNG Dori González Fraga.
Ademais, os nacionalistas propuxeron que a solución a longo prazo para este servizo de recollida de lixo é a remunicipalización do mesmo e traballar por mancomunalo co Concello de Cervo xunto co de abastecemento de auga. “Para nós é fundamental que o concello asuma eses servizos, que deben orientarse a ser compartidos co concello veciño para abaratar costes” recordou Dori González.
A modificación dos festivos locais, sen o apoio do tecido asociativo.
Semellaba un tema menor despois da comisión informativa, pero a declaración dos festivos locais para o 2017 contou con certa polémica. O festivo no martes de Entroido pasará ó luns, a petición da ACIA. Segundo o alcalde algunhas das asociacións que mais participan desta festa estaban de acordo pero a concelleira do BNG puido coñecer que nada mais lonxe da realidade, algunhas das asociacións non tiñan constancia deste cambio e outras non eran partidarias do cambio. “Son colectivos moi vinculados con estas celebracións e cremos que debería haber consenso para este tipo de modificacións, aínda que pensemos que pode ser unha boa iniciativa” comentou Dori xustificando a abstención na votación dese punto.
Xa na quenda de rogos e preguntas a concelleira do BNG fixo diversas preguntas acerca dos horarios do servizo de socorrismo e do estado dos accesos das praias de Portelo e A Marosa, da anunciada pasarela entre O Portelo e O Cabaliño e sobre o inicio das obras dos vestiarios do campo de herba artificial da Marosa.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
