A Deputada de Economía, Recadación e Facenda, Mayra García Bermúdez, o Concelleiro de Cultura de Ribadeo, Farruco Graña, o Presidente da Asociación Cultural Jazz Eo, Rafael Monteavaro, xunto a outros promotores, presentaron estes mércores no Concello de Ribadeo a V Edición do Festival Jazz Eo, co que colabora o organismo provincial cunha achega económica de 3.000 euros.
Esta nova edición celebrarase no Auditorio “Hernan Naval”, entre os día 2 e o 10 de decembro, o horario dos concerto serán ás 20:30 horas. Na programación deste ano haberá cinco concertos con sete bandas de jazz e blues, dos cales dous serán gratuítos e tres de pago.
García Bermúdez remarcou que “a Deputación colabora novamente con esta edición para contribuír a dinamizar a actividade cultural na Mariña. Ademais esta nova cita é unha boa oportunidade para promocionar a todos os niveis toda a Comarca e Ribadeo.” Sinalou ademais que estes días os amantes do jazz poderán desfrutar de concertos únicos, como Alejandro Vargas Trio; Prisco & Cherry; Michael Olivera Group; Oier Ponce Trio; En casa del Herrero; Blues Band; Julián Maeso, ou Shirley Davis & The Silverbacks.
Rafael Monteavaro explicou a importancia deste festival, que radica en que é o único de musica de jazz e blus en vivo nesta época do ano. E puntualizou que para Ribadeo é un privilexio ter un cita musical destas características, que esta ao alcance de todos. Por último agradeceu o esforzo e a colaboración das institucións, tanto ao Concello e a Deputación que promoven este proxecto, ademais de todas as entidades colaboradoras da vila.
Farruco Graña explicou que o Concello de Ribadeo aposta novamente pola cultura coa celebración desta V Edición. “Esta cita xa é un referente na provincia, ademais de converterse xa, nun elemento dinamizador socioeconómico da zona. Este festival é un excelente pretexto para visitar A Mariña e Ribadeo, paga a pena visitarnos”, resumiu.
Entrada a 10 euros e Bono de 25 euros
O prezo das entradas diarias é de 10 euros para cada concerto, pero existe un abono para os tres concertos de pago por 25 euros. Estas entradas e abonos xa están á venda na web www.codetickets.com, e na axencia viaxes Alandrina Tours, na rúa Reinante, 14 de Ribadeo.
Programación
– Venres día 2 decembro; Alejandro Vargas Trio, e Prisco & Cherry. Entrada de balde.
– Sábado 3 de decembro; Michael Olivera Group. Entrada 10 euros
– Martes 6 de decembro; Oier Ponce Trioe, En casa del Herrero Blues Band. Gratuíto.
– Xoves 8 de decembro; Julián Maeso. Entrada 10 euros.
– Sábado 10 de decembro; Shirley Davis & The Silverbacks. Entrada 10 euros.
As deputadas do PP lucense no Parlamento galego, Raquel Arias e Nicole Grueira, e a alcaldesa de Cervo, Dolores García, mantiveron na localidade un encontro con mulleres vinculadas ao sector do mar co obxectivo de visibilizar e poñer en valor o seu papel fundamental na economía mariñeira e na vida das vilas costeiras. A reunión serviu como espazo de diálogo e recoñecemento ao traballo que durante anos desenvolveron mariscadoras, redeiras e outras profesionais do sector. As populares manifestaron a súa defensa da igualdade e aseguraron que “sen as mulleres o sector do mar non se atende”.
Será na Explanada do Círculo Habanero, en carpa climatizada. Programa: 13:30: Sesión vermú con Dúo Puma. 14:30: Xantar (fabada, costela con patacas, sobremesa, café e bebida). Prezos: Socios 20 €. Non socios 30 €. Nenos 6–12: 15 €. Menores de 6 anos: gratis. Entradas: domingos 15 e 22 de marzo, de 11:30 a 13:30 no Local Social. Contacto: 682 06 57 07
A feira instalarase na Praza da Constitución e contará con showcookings, catas, música en directo e actividades para todos os públicos. O sábado haberá demostración culinaria con Marcos Pereiro, sesión vermú, talleres infantís e concertos de 9Louro e Mondra. O domingo incluirá showcooking de Miguel Mosteiro, novas catas e a tradicional sesión de baile no Centro Cultural.
Pode visitarse ata outubro e explica como se producía o ferro na antigüidade. O documental “Da pedra ao ferro” publicarase proximamente na web do Museo.
Asistiron o tenente coronel Rubén García Díez, que é xefe do Grupo de Honores da Garda Real; o comandante Féliz Rodríguez Alcántara, segundo xefe do Grupo de Honores da Garda Real; o capitán Miguel Martínez Vilela, xefe da Escuadrilla Plus Ultra da Garda Real; así como persoal da devandita escuadrilla. O obxectivo da xuntanza foi coñecer a labor deste grupo do Exército, as actividades que desenvolve e a posibilidade de que algunha delas se poida levar adiante en Ribadeo. Tamén participaron a concelleira de Seguridade, Montse Seijo, e o xefe da Policía Local, Andrés Redondo.
Ás 12:00 h, no Parque Ramón de Campoamor, terá lugar o acto institucional de homenaxe. Pola tarde, no Casino de Navia, haberá actividades abertas ao público: 18:00 h – Recital “Poesía que nos une escondida entre renglones”. 19:00 h – Encontro coa escritora Matilde Suárez, Premio “Ría del Eo”. A alcaldesa, Ana Fernández, destacou o compromiso de Navia por recuperar e poñer en valor o legado do poeta e consolidar o concello como referente cultural.
Ofreceranse as seguintes modalidades e horarios: adestramento de forza/funcional os luns e mércores ás 9.00 horas; pilates os luns e mércores ás 11.00 horas; e TRX os martes e xoves ás 9.00 horas. A inscrición e a información sobre estes cursos realizarase na recepción da Piscina Municipal. Ademais, durante este mes habilítase a opción de proba gratuíta.
