O Pescados Rubén Burela FS recibirá este sábado, na novena xornada de Primeira RFEF, un Ourense Envialia FSF (18.30 horas) que saltará a Vista Alegre nun grande inicio ligueiro, ostentanto a terceira praza, con 18 puntos. “Será un encontro con moitísima intensidade, moi igualado e no que os pequenos detalles serán decisivos. O Ourense ten unha boa plantilla, moi equilibrada, pero nós sabemos o que temos que facer para danalo” explicaba a viveirense Lara Balseiro, en vésperas do segundo derbi irmandiño da Bomboneira.
Dende a quinta praza, con 15 puntos, o cadro mariñán intentará recuperar o positivismo do triunfo tras o tropezo da semana pasada tamén con aroma a duelo galego, na pista do Poio. Enfronte terá a un Ourense que non coñece a derrota; ata o momento tan só Alicante (3-3, xornada 6), Txantrea (1-1, xornada 3) e Poio (1-1, xornada 2) foron capaces de facer puntos fronte ás pupilas de Chipi. A 10 laranxa é moi consciente desa complexidade, e máis nunha semana na que o equipo chega algo xusto de efectivos; non obstante, Vista Alegre e o afán de superación das burelistas fan que todo sexa posible: “Esperamos facer un bo partido, aínda que temos xente tocada que é moi importante para nós; esta semana foi un pouco atípica, non puidemos adestrar en plenas condicións. Pero a realidade é que precisamos sacar os tres puntos sexa como sexa así que estamos moi motivadas e con moitas ganas”.
Lucas e Julio decidirán a convocatoria definitiva mañá tras o quentamento; Cilene, Bea Mateos e R. Betim chegan con molestias.
Convocatoria provisional Pescados Rubén Burela FS: 1. Jozi, 3. Dany, 6. Silvia, 7. R. Betim, 10. Lara, 13. Nerea, 14. Bea Mateos, 15. Judith, 16. Cilene, 17. Sofía, 18. Shiori, 19. Paula, 26. Elvira.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
